ტყიბულს საქართველოს ორგზის ჩემპიონი ჰყავს

  ტყიბულელი, 15 წლის მოკრივე, ზურაბ ობოლაძე ახლა უკვე ჭაბუკთა შორის + 80 კგ.წონით კატეგორიაში საქართველოს ჩემპიონია.
 

საქართველოს 2023 წლის პირველობა 2007-2008 წ.წ. დაბადებულ მოკრივეთა შორის ქალაქ გორში, 25-დან 30 აპრილის ჩათვლით, მიმდინარეობდა. ჩემპიონატში ჩვენი ქვეყნის სხვადასხვა მუნიციპალიტეტიდან და ქალაქიდან 200-მდე მოასპარეზე მონაწილეობდა, როგორც ვაჟები, ისე, გოგონები. ტყიბულელმა წარმატებულმა მოკრივემ გამართულ სამივე ბრძოლაში გამარჯვება მოიპოვა და ოქროს მედალს დაეუფლა. ზურა ჩემპიონატში სამი დღის განმავლობაში იყო ჩართული, პირველ შეხვედრაში მან ფოთის, შემდგომ კი,- გორისა და ზესტაფონის წარმომადგენლებს ძლია.
 
  ტყიბულის სპორტული ცენტრის მოკრივე ,ორგზის საქართველოს ჩემპიონი, ევროპის პრიზიორი და საერთაშორისო ტურნირების მრავალგზის გამარჯვებული, ზურაბ ობოლაძე, საქართველოს პირველობის ტიტულის მფლობელი პირველად 2020 წელს, მოსწავლე-მოკრივეთა შორის გახდა. მიმდინარე წლიდან კი უკვე ჭაბუკთა ეროვნული ნაკრების წევრია.
 
  როგორც ზურამ საუბარში არაერთხელ აღნიშნა, მის წარმატებაში უდედისი წვლილი თავის ოჯახსა და მის პირად მწვრთნელს, სპორტის ოსტატს, გია დვალსა და ნაკრების მთავარ მწვრთნელს, ლაშა ოჩიგავას მიუძღვის. ასევე, მადლიერებას გამოხატავს მუნიციპალიტეტის მერის, დავით ჩერქეზიშვილის, მიმართ მხარდაჭერისათვის. ზურას მთავარი სტიმული სპორტულ ცხოვრებაში მშობლიური ქალაქისა და ქვეყნის წარმოჩენაა, უდიდესი მიზანი- ოლიმპიური ჩემპიონობა, წარმატების მისაღწევად მთავარი პირობა - შრომისმოყვარეობა და მიზანსწრაფულობა, მოზარდების მიმართ მეგობრული რჩევა კი,-სპორტის რომელიმე სახეობით დაკავება.
 
  უახლოეს დღეებში ზურა ნაკრების შეკრებაზე მიემგზავრება, სადაც საერთაშორისო ტურნირისათვის გაივლის საწვრთნელ მომზადებას, რომელიც მაისის თვეში, ესპანეთში გაიმართება. 19 ივლისს კი,-ჩვენი საამაყო მოკრივე რუმინეთში, ევროპის ჩემპიონატზე დაიცავს საქართველოს ღირსებას.
 
მარი ბაბუხადია
 

15 thoughts on “ტყიბულს საქართველოს ორგზის ჩემპიონი ჰყავს”

  2. You’re so awesome! I don’t believe I have read a single thing like that before. So great to find someone with some original thoughts on this topic. Really.. thank you for starting this up. This website is something that is needed on the internet, someone with a little originality!

    Ответить

Добавить комментарий

Ваш адрес email не будет опубликован.