ტყიბულში ორი სკვერის რეაბილიტაცია მიმდინარეობს

  პროექტის, ,,ადგილობრივი პარტნიორობა იმერეთის მეორე დონის პოსტ-ინდუსტრიული ქალაქების რევიტალიზაციისთვის,“ ფარგლებში, ტყიბულში რეკრეაციული ზონების განახლება მიმდინარეობს, რომელიც გამსახურდიას ქუჩაზე ორი სკვერის რეაბილიტაციას გულისხმობს.

  9 აპრილის სახელობის სკვერში არსებულ სამუშაოებს ტყიბულის მუნიციპალიეტის მერი, თემურ ჩუბინიძე, გაეცნო და საქმეთა მწარმოებელს გაესაუბრა.

  9 აპრილის სახელობის პარკის რეაბილიტაცია კომპლექსურად მოხდება, რაც გულისხმობს ბილიკების მოპირკეთებას, მოაჯირების განახლებას, ახალი კედლის ჩამოსხმა-მოხატვას, ბავშვთა გასართობი სივრცის მოწყობას, ასევე, შეიცვლება განათება და გამწვანება.

  პარალელურად, სკვერის განახლება დაწყებულია ცენტრალური ბიბლიოთეკის მიმდებარედ. დასასვენებელი სივრცეები ადაპტირებული იქნება განსაკუთრებული საჭიროების მქონე პირთათვის.

  აღნიშნული პროექტი, საქართველოში ევროკავშირის წარმომადგენლობისა და ტყიბულის მუნიციპალიტეტის მერიის ფინანსური მხარდაჭერით გამოცხადებული ,,იდეების კონკურსი“-ს ფარგლებში ხორციელდება და მისი საერთო ღირებულება 100 000 ლარს შეადგენს.

 

კომენტარები გამორთულია