ტყიბულში ეპიდვითარება სტაბილურია

   საქართველოში ბოლო 24 საათში კოვიდინფექციით დაავადებულ პირთა რიცხვმა 2616 შეადგინა. აღნიშნულის ფონზე ტყიბულის მუნიციპალიტეტში არსებული ეპიდვითარება სტაბილურია. მერიის საზოგადოებრივი ჯანმრთელობის ცენტრის ხელმძღვანელობის ინფორმაციით ამ ეტაპზე სერიოზული კლასტერი არ იკვეთება, დაავადებულთა უმრავლესობა სივრცით იზოლაციაში მყოფი კონტაქტირებული პირები არიან, უცნობი წყაროდან გამოვლენილი შემთხვევები მინიმალურია, ხოლო ძირითადი ფონი მართვადია. ივლისის თვეში გამოვლენილ ინფიცირებულ პირთა რაოდენობა დღემდე  77 ადამიანს შეადგენს.

   რაც შეეხება საერთო სტატისტიკას, სულ დღემდე აღრიცხულია დაავადების 1970 შემთხვევა, გამოჯანმრთელებულია - 1873, თვითიზოლაციაში იმყოფერბა 64 პირი, ხოლო გარდაცვლილია  - 32.

  გრძელდება გეგმიური ტესტირების პროცესი. უკანასკნელი 6 თვის განმავლობაში გამოკვლეული იქნა საჯარი სკოლის პედაგოგები, სკოლამდელი აღზრდის დაწესებულებათა წარმომადგენლები, კულტურისა და სპორტის ობიექტების გაერთიანებებიდან თვითდინებით მისული პირები და ტაქსის მძღლები. სულ ჩატარებულია 1911 - PCR და 3461 სწრაფი ტესტი ანტინგენზე, მათ შორის, დადებითი იყო 66 შემთხვევა.

   რაც შეეხება ვაქცინაციას,  ტყიბულის ევექსის კლინიკაში 5 ივლისიდან განახლდა აცრები სინოფარმის ვაქცინით, ხოლო დღეიდან უკვე სინოვაკით. დაინტერესებულ პირებს შეუძლიათ რეგისტრაცია გაიარონ პორტალზე booking.moh.gov.ge და წინასწარ დაჯავშნონ ვაქცინაციაზე ვიზიტის თარიღი და დრო.

   ტყიბულის საზოგადოებრივი ჯანდაცვის სამსახური ტრადიციულად მოუწოდებს მოსახლეობას, მოერიდონ ღია და დახურულ სივრცეში თავშეყრის ადგილებს, დაიცვან დისტანცია და ატარონ პირბადე, რათა ინფექციის გავრცელების ხელშეწყობა არ მოხდეს.

ნათია მურუსიძე

9 thoughts on “ტყიბულში ეპიდვითარება სტაბილურია

Добавить комментарий

Ваш адрес email не будет опубликован.