აპრილში კოვიდდადებითობამ ტყიბულში მოიმატა

  ეპიდვითარების მაჩვენებელი ტყიბულის მუნიციპალიტეტში აპრილის თვეში, გასულ თვესთან შედარებით, გაორმაგებულია და დღეისათვის 54 კოვიდდადებით ფაქტს შეადგენს, თუმცა შემთხვევათა საერთო ყოველდღიური სტატისტიკამ, ერთი-ორი გამონაკლისის გარდა, არც ისე დიდია. 19 აპრილს თუ 14 პირს დაუდასტურდა COVID 19, 20 აპრილს მხოლოდ 3 შემთხვევა გამოვლინდა. ცალკეული მაღალი ციფრების არსებობა ოჯახურ შემთხვევებთანაა დაკავშრებული, როდესაც თითო ოჯახიდან 3-4 წევრი აღმოჩნდა დაავადებული. ამჟამად თვითიზოლაციაში 74 ადამიანი იმყოფება. ამ ეტაპზე ინფიცირების საერთო ჯამური მაჩვენებელი დღემდე 1437 შემთხვევას შეადგენს, აქედან გამოჯანმრთელებულთა რაოდენობაა - 1367.

  აქტიურად მიმდინარეობს საჯარო სკოლების პედაგოგთა და სკოლამდელი აღზრდის დაწესებულებათა პერსონალის PCR ტესტირება. გარდა ამისა, მიმდინარე თვეში ხორციელდება სპორტისა და კულტურის ობიექტების გაერთიანებების თანამშრომელთა და ასევე, ტაქსის მძღოლების გამოკვლევა, როგორც PCR, ასევე, სწრაფი ტესტების მეშვეობით.

  ტყიბულის საზოგადოებრივი ჯანმრთელობის ცენტრის წარმომადგენლები კვლავ მიმართავენ მოსახლეობას ზედმიწევნით დაიცვან საყოველთაოდ მიღებული რეგულაციები, რათა თავი დავიზღვიოთ ვითარების გაუარესებისაგან.

 

ნათია მურუსიძე

1 კომენტარი “აპრილში კოვიდდადებითობამ ტყიბულში მოიმატა

  1. Уведомление: 3designs

კომენტარები გამორთულია