215_0599_01.MP4.Still0711

„წყნარმა ღამემ“ იმერეთის ფესტივალზე ჟიურის მოწონება დაიმსახურა

  იმერეთის თეატრალურ ფესტივალზე ტყიბულის დასი სპექტაკლით, „წყნარი ღამით,“ ღირსეულად წარდგა. ჰარალდ მიულერის ერთმოქმედებიანი დრამა ლალი კუბლაშვილის რეჟისურით დაიდგა. მთავარ როლებს სანდრო ბუცხრიკიძე და ნათია ხაბურზანია ასრულებდნენ.

  მონაწილეებს შეაფასებენ და გამარჯვებულებს გამოავლენენ: ჟიურის თავმჯდომარე, საქართველოს თეატრის კრიტიკოსთა კავშირის პრეზიდენტი და თეატრმცოდნე, ნიკოლოზ წულუკიძე, ასევე ჟიურის წევრები, თეატრალური კრიტიკოსი, ლაშა ჩხარტიშვილი და დრამატურგი, თემურ ლანჩავა.

  თეატრის „წყნარი ღამის“ წარმოდგენას ესწრებოდნენ: იმერეთის მხარის გუბერნატორი, გივი ჭიჭინაძე, ტყიბულის მუნიციპალიტეტის გამგებელი, რობიზონ გვენეტაძე, საკრებულოს თავმჯდომარე, თამაზ კუბლაშვილი, ასევე სხვა ხელმძღვანელი პირები, ორგანიზაციების კოლექტივები, ხელოვნებისა და კულტურის დარგების წარმომადგენლები და მათი თაყვანისმცემლები.

მარი ბაბუხადია