89788853_3532915853445198_5548609004923518976_o

ტყიბულში შიდა ეზოების რეაბილიტაცია გრძელდება

ტყიბულის მუნიციპალიტეტში სხვა ინფრასტრუქტურულ პროექტებთან ერთად, მრავალბინიანი კორპუსების შიდა ეზოების რეაბილიტაციის პროცესი წელსაც გრძელდება.

ამჯერად შესაბამისი სამუშაოები ტყვარჩელის ქუჩაზე ხორციელდება, სადაც N 24; N 26; N32 და N34 საცხოვრებელი კორპუსების შიდა ეზოების ბეტონის საფარით მოწყობა მიმდინარეობს.

ადგილზე ტყიბულის მუნიციპალიტეტის მერი, თემურ ჩუბინიძე იმყოფებოდა, რომელიც დეტალურად გაეცნო შესრულებულ და დაგეგმილ სამუშაოებს.

პროექტის ფარგლებში განსაზღვრულია სანიაღვრე სისტემის მოწესრიგება, ბორდიურების მოწყობა და 12 სმ-იანი სისქის არმირებული ბეტონის დაგება.

შიდა ეზოების რეაბილიტაცია რეგიონებში განსახორციელებელი პროექტების ფონდის დაფინანსებით ხორციელდება და მისი ღირებულება 285531 ლარს შეადგენს. სამუშაოები მაისის თვეში დასრულდება და ეზოების კეთილმოწყობით მოსახლეობას დიდი ხნის პრობლემა მოუგვარდება.