81251306_3308889912514461_4833472198242992128_o

საახალწლო გალა კონცერტი თეატრში

  ტყიბულის მუნიციპალურ თეატრში კულტურის ობიექტების გაერთიანების ორგანიზებით საახალწლო გალა კონცერტი გაიმართა. ორსაათიანი პროგრამა მრავალფეროვანი 25-მდე ნომრით იყო დატვირთული.

   სადღესასწაულო ღონისძიებაზე მაყურებელს საგანგებოდ ამ დღისთვის შექმნილი ახალი ნომრები წარმოუდგინეს.

  კონცერტი მსახიობებს: თიკო ნემსაძესა და  თორნიკე ბარამიძეს მიჰყავდათ.

  საზეიმოდ შეკრებილ საზოგადოებას ახალი წელი სცენიდან მუნიციპალიტეტის მერმა, თემურ ჩუბინიძემ, მიულოცა. აღსანიშნავია, რომ ადგილობრივი თვითმმართველობის გადაწყვეტილებით ისე როგორც გასულ წლებში დაჯილდოვდნენ ჩვენი მუნიციპალიტეტის 2019 წლის საუკეთესო სპორტსმენები და წარმატებული მწვრთნელები, ასევე კულტურის ობიექტების, სკოლამდელი აღზრდის დაწესებულებათა და კომუნალური გაერთიანებების 2019 წლის წარმატებული თანამშრომლები.

  საახალწლო კონცერტში ჩართულნი იყვნენ ადგილობრივი შემოქმედებითი ჯგუფები და შემსრულებლები.

   მაყურებელს მონაწილეებმა, საგანგებოდ შექმნილმა ნომრებმა და თემატურმა დეკორაციებმა განსაკუთრებული სადღესასწაულო განწყობა შეუქმნეს.

   ღონისძიება გრანდიოზული ფოიერვერკით დასრულდა.

მარი ბაბუხადია