სამი დღის განმავლობაში, 21-22-23 მარტს, ტყიბულის სპორტის სასახლე ხელბურთში საქართველოს 28-ე ეროვნული ჩემპიონატის საგაზაფხულო ეტაპს უმასპინძლებს,  რომელსაც ორგანიზებას საქართველოს ხელბურთის ეროვნული ფედერაცია გაუწევს.   მესამე წრის V ტურის „დასავლეთ ზონის" თამაშებში ოთხი გუნდი იღებს მონაწილეობას: ბათუმის _ B.S.B", ქუთაისის _ „2015-ქუთაისი", სამტრედიის _ „სამტრედია", წყალტუბოს _  „პრომეთე." ყოველ დღე 2-2 შეხვედრა გაიმართება.

21 მარტს, 16 საათზე, სამტრედისა და ბათუმის ხელბურთელები დაუპირისპირდებიან ერთმანეთს, ხოლო 18 სთ-ზე _ წყალტუბოსა და  ქუთაისის. დასწრება თავისუფალია.

აღსანიშნავია, რომ ხელბურთის გულშემატკივრებს, სპორტის ამ სახეობის ქომაგობის შესაძლებლობა ჩვენს ქალაქში 15 აპრილსაც შეეძლებათ, რადგან უკვე დაგეგმილია 2017-18 წ.წ. საქართველოს ახალგაზრდული პირველობის, მესამე ტურის თამაშების, ჩატარება 2002-03 წ.წ. დაბადებულ  ჭაბუკთა შორის.

მერიის განათლების, კულტურის, სპორტის,

ახალგაზრდობისა და ტურიზმის განვითარების სამსახური