სპორტის სასახლემ გელა გიორგაძის ხსოვნის ტურნირს უმასპინძლა

ტყიბულის სპორტის სასახლეში, ,,ოლეგ ფანჩულიძის კუნგ-ფუს სკოლის” ორგანიზებითა და მუნიციპალიტეტის სპორტული ცენტრის პატრონაჟით, 29 აპრილს, გაიმართა  ტრადიციული   ,,გელა გიორგაძის ხსოვნისადმი მიძღვნილი ტურნირი კუნგ-ფუში”. მასში მონაწილეობდნენ ტყიბულის, ზესტაფონის , ხარაგაულის , თერჯოლის, ამბროლაურისა და ბაღდათის გუნდები. შეჯიბრებაში ჩართულნი იყვნენ ჩვენი მუნიციპალიტეტის სპორტული ცენტრის კუნგ-ფუს და კარატეს გუნდები (ხელმძღვანელები: ოლეგ ფანჩულიძე, ლაშა ცქიფურიშვილი, ლევან კუბლაშვილი). აღნიშნულ ღონისძიებაში მონაწილეობდნენ როგორც ვაჟები, ისე - გოგონები, 18 წონით კატეგორიაში განაწილებული 95 მოასპარეზე. აღსანიშნავია, რომ პირველად ტყიბულში ჩატარებული ტურნირების ისტორიაში, ტრადიციულ  კუნგ-ფუ -ფაიტინგთან  ერთად გაიმართა შეჯიბრი ახალ სახეობა ტუიშოუში, რომელმაც დიდი მოწონება დაიმსახურა სპორტსმენებსა და მაყურებელში. გუნდურ I ადგილზე, 12 ჩემპიონით,  გავიდა ტყიბულის კუნგ-ფუს გუნდი. ჩემპიონები გახდნენ:  ლუკა ბარბაქაძე,  ნიკა ბარბაქაძე, საბა გელაძე, ლუკა ლანჩავა, საბა აბესაძე,  ლაზარე ბოჭორიშვილი,  ნიკოლოზ ბუბაშვილი, ლევან ყაზაიშვილი, სანდრო კუპატაძე, ვასილ ფორჩხიძე, ლუკა მესხორაძე, გიორგი ტალახაძე. პრიზიორობა მოიპოვეს: გიორგი ჭიჭიკოშვილმა, ბაჩუკი დიხამინჯიამ, კონსტანტინე ბუცხრიკიძემ, ლევან ცნობილაძემ. ყველა გამარჯვებული მედლებითა და დიპლომებით დააჯილდოვეს.

                                                                                                                                    მარი ბაბუხადია

OLEGI003 OLEGI002

კომენტარები გამორთულია