საკრებულომ ა. (ა). ი. პ - ების 6 თვის ანგარიში მოისმინა

ტყიბულის მუნიციპალიტეტის გამგეობის ადმინისტრაციულ შენობაში გამართულ საკრებულოს მორიგ სხდომას ამავე ორგანოს თავმჯდომარე, თამაზ კუბლაშვილი, წარმართავდა, რომელსაც საკრებულოს წევრები ა.(ა).ი.პ-ების დირექტორები და შესაბამისი სამსახურების უფროსები ესწრებოდნენ.
დღის წესრიგის მიხედვით, ათი განსახილველი საკითხიდან, საკრებულოს დეპუტაციამ შვიდი ა.(ა).ი.პ-ის მიერ, 2017 წლის პირველი ნახევრის (6 თვეში), გაწეული მუშაობის შესახებ ანგარიში მოისმინა. მოსწავლე-ახალგაზრდობის სასახლის დირექტორმა: გულნაზ ტუკვაძემ, სამხატვრო სკოლის დირექტორმა-მირზა ჭელიშვილმა, ხელოვნების სკოლის დირექტორმა ნანა ფორჩხიძემ, საინფორმაციო ცენტრის დირექტორმა, ნანა რაზმაძემ, ტურიზმის განვითარების ცენტრის დირექტორმა, რიჩარდ ბოჭორიშვილმა, საჭადრაკო კლუბის წარმომადგენელმა, ზურაბ ლომთაძემ, ვრცლად ისაუბრეს მათ მიერ დაქვემდებარებულ დაწესებულებებში არსებულ რეალურ ვითარებაზე, მიღწეულ წარმატებებსა და წარუმატებლობაზე, სამუშაო პროცესში წარმოქმნილ ხარვეზებსა თუ სხვადასხვა სახის ტექნიკურ და ფინანსურ პრობლემებზე. წარმოდგენილ პროექტებს საკრებულომ დამაკმაყოფილებელი შეფასება მისცა. თუმცა, თავმჯდომარემ სამომავლოდ ცალკეული მათგანის გადაჭრისა და აღმოფხვრის გზებსა და რეკომენდაციებზე ხასგასმით ისაუბრა.
გამგეობის მიერ, კომუნალური გაერთიანების, საფეხბურთო კლუბისა და სპორტული კომპლექსისათვის, მის საკუთრებაში არსებული მოძრავი ქონების გადაცემას შეეხებოდა მომდევნო საკითხები, რომელიც არსებული სახით იქნა მიღებული.

ნანა რაზმაძე

DSCN2168 DSCN2162 DSCN2161 DSCN2158

27 thoughts on “საკრებულომ ა. (ა). ი. პ - ების 6 თვის ანგარიში მოისმინა”

Добавить комментарий

Ваш адрес email не будет опубликован.