ქალი, სიცოცხლე და გაზაფხული...

  დედისა და ქალთა დღისადმი მიძღვნილი ღონისძიება გამართა გამგეობის განათლების, კულტურის, სპორტისა და ახალგაზრდულ საქმეთა სამსახურმა. კაფე-საღამოზე ათი გამორჩეული და ღვაწლმოსილი ტყიბულელი ქალბატონი საპატიო სტუმრის სტატუსით იყო მიწვეული. მათ ადგილობრივი თვითმმართველობის სახელით სამახსოვრო საჩუქრები გადაეცათ. საღამოს მხატვრული პროგრამა ტყიბულის მუნიციპალიტეტის თეატრმა მოამზადა. ნათია მურუსიძე

სრულად ნახვა

ილია სულამანიძე სამგზის ჩემპიონია!

  ახალციხეში გამართულ საქართველოს პირველობაზე ქართულ ჭიდაობაში, 2000-01 წ.წ დაბადებულთა შორის, ტყიბულის სპორტული ცენტრის აღსაზრდელი, 15 წლის, ილია სულამანიძე, 17 წლამდე ასაკის მონაწილეთა შორის, 4 შეხვედრიდან 4 მოგებით, ამჯერად უკვე მესამედ გახდა საქართველოს ჩემპიონი.   სასიხარულოა, რომ წარმატებულად იასპარეზა, ასევე, ილიას ძმამ შალვა სულამანიძემ, მან ამავე წონით კატეგორიაში III საპრიზო ადგილი მოიპოვა. ისინი საქართველოს ქართული ჭიდაობის ფედერაციისაგან შესაბამისი ხარისხის დიპლომებით, მედლებითა და ფასიანი საჩუქრებით დაჯილდოვდნენ.0   სპორტსმენები ჩემპიონატისათვის მოამზადეს სპორტული ცენტრის მწვრთნელებმა: გია ობოლაძემ, გრიგოლ სოფრომაძემ, ირაკლი მერკვილაძემ, შალვა ბიბილაშვილმა. მარი ბაბუხადია

სრულად ნახვა

საკალათბურთო ფესტივალზე ტყიბულის ნაკრები პრიზიორი გახდა

  ორი დღის მანძილზე მიმდინარეობდა, ტყიბულის სპორტის სასახლეში, სულიკო თორთლაძის სახელობის თასზე, იმერეთის რეგიონის საკალათბურთო ოლიმპიური ფესტივალის ნახევარფინალური და ფინალური თამაშები, სადაც ერთმანეთს ქუთაისის, ხონის, საჩხერისა და ტყიბულის ნაკრები გუნდები დაუპირისპირდნენ. III საპრიზო ადგილი, ანგარიშით 67 : 65, ტყიბულის სპორტული ცენტრის კალათბურთელებმა დაიკავეს. ჩემპიონი ქუთაისის ნაკრები გახდა, რომელსაც გარდამავალი თასი გადაეცა, II ადგილზე კი, ხონის სპორტსმენები გავიდნენ. ნათია მურუსიძე

სრულად ნახვა

იმერეთის გუბერნიის გასვლითი სხდომა ტყიბულში ჩატარდა

  იმერეთის მხარის გუბერნიის გასვლითი რეგიონალური თათბირი ტყიბულის მუნიციპალიტეტში გაიმართა. შეხვედრას საქართველოს პარლამენტის წევრი, ტყიბულის მაჟორიტარი დეპუტატი ელისო ჩაფიძე, სახელმწიფო რწმუნებული იმერეთის მხარეში გივი ჭიჭინაძე, მუნიციპალიტეტების გამგებლები ესწრებოდნენ.    სხდომაზე 2016 წლის პროექტების ძირითადი პარამეტრები განიხილეს, იმსჯელეს სხვა მიმდინარე საკითხებზეც. ნათია მურუსიძე

სრულად ნახვა

მერმა მოსახლეობას ანგარიში წარუდგინა

  ტყიბულის მუნიციპალიტეტის მერმა, თემურ ჩუბინიძემ, მოსახლეობას მიმდინარე, 2019 წელს, გაწეული მუშაობის შესახებ ანგარიში, მუნიციპალურ თეატრში საჯარო შეხვედრაზე წარუდგინა.   მერმა პირველად ტყიბულის ქვანახშირის შახტებში ახალი მმართველის შემოსვლაზე და თითქმის ერთი წლის წინ შეჩერებული სამუშაო პროცესის განახლებასა და მუნიციპალიტეტისათვის მის მნიშვნელობაზე ისაუბრა.   თემურ ჩუბინიძემ მოსახლეობას 2019 წლის განვლილ პერიოდში განხორციელებული, მიმდინარე და დაგეგმილი პროექტები გააცნო. როგორც მან აღნიშნა, წელს, ჩვენს მუნიციპალიტეტში, ცენტრალური და ადგილობრივი ბიუჯეტიდან 20 მილიონ ლარზე მეტი იხარჯება. მუნიციპალიტეტისათვის გამოყოფილი 6 მილიონ 463 ათას 517 ლარით 135 სხვადასხვა ინფრასტრუქტურული პროექტი განხორციელდა. მათ შორის, ბეტონის საფარით მოეწყო შიდა გზები 11 ...

სრულად ნახვა

მურმან ჯინორიასა და ლაშა ღლონტის შემოქმედებითი საღამო ტყიბულში

  ა.(ა.)ი.პ. „ტყიბულის მუნიციპალიტეტის კულტურის ობიექტების გაერთიანების“ ინიციატივითა და ორგანიზებით თეატრის სცენამ მურმან ჯინორიასა და ლაშა ღლონტის შემოქმედებით საღამოს უმასპინძლა. ქართული პოეტური სიტყვითა და მუსიკის სინთეზით შეჯერებული პროგრამით მათ უკვე ანშლაგებით მოიარეს არა მარტო მთელი საქართველო, არამედ საგასტროლო ტურნეები ა.შ.შ-სა და ევროპის ქვეყნებშიც გამართეს. ტყიბულელი მსმენელი განსაკუთრებული სიყვარულითა და სითბოთი შეხვდა პოპულარული ლირიული სიმღერების შემსრულებელსა და რუსთაველის თეატრის ტიტულოვან მსახიობს. ლაშა ღლონტმა ყველასათვის ცნობილი, ქართული საესტრადო სიმღერები ცოცხლად შესთავაზა პუბლიკას. მათი უმრავლესობა მამუკა ჩარკვიანისა და დავით არჩვაძის ავტორობითაა. მუსიკოსმა გაიხსენა თითოეულ კომპოზიციასთან დაკავშირებული საინტერესო ეპიზოდები. პროფესიით ექიმისათვის არც თუ დიდი ხანია, ...

სრულად ნახვა

თემურ ჩუბინიძე მუხურაში გზის რეაბილიტაციას გაეცნო

  ტყიბულის მუნიციპალიტეტის მერმა, თემურ ჩუბინიძემ, ტყიბული-მუხურის დამაკავშირებელ საავტომობილო გზის მონაკვეთზე ბეტონის საფარით მოწყობის მიმდინარეობა ადგილზე დაათვალიერა. თემურ ჩუბინიძე ამ დროისათვის შესრულებულ და შესასრულებელ სამუშაოებს დეტალურად გაეცნო, ასევე, კონტრაქტორი კომპანიის წარმომადგენლებს, დასაქმებულებსა და მოსახლეობას გაესაუბრა. ადგილზე იმყოფებოდნენ მუხურის მაჟორიტარი დეპუტატი, როლანდ არსენაშვილი და მერის წარმომადგენელი, ზაზა ყვავაძე.   აღნიშნული მონაკვეთი ტყიბული-მუხურის დამაკავშირებელი არსებული ბეტონსაფარიანი გზის გაგრძელებაა, რომლის დიდი ნაწილის რეაბილიტაციაც გასულ წლებში განხორციელდა. ამჟამად, აქ 550 გრძივი მეტრი, 5 მ სიგანის, ბეტონის საფარი, გარდა ამისა, შესაბამისი სანიაღვრე არხები და გვერდულები, მოეწყობა. ინფრასტრუქტურული პროექტი რეგიონული განვითარების პროექტების ფონდის დაფინანსებით ხორციელდება. 113 ...

სრულად ნახვა

დეპუტატის ინიციატივით ორპირში უფასო სამედიცინო აქცია ჩატარდა

  ტყიბულის მაჟორიტარი დეპუტატის, ელისო ჩაფიძის, ადგილობრივი ხელისუფლების ინიციატივითა და სამედიცინო კორპორაციის, „ევექსის,“ ტყიბულის ფილიალის დირექტორის, იური ელიაშვილის პატრონაჟით ჩვენს მუნიციპალიტეტში, სამი დღის განმავლობაში, უფასო სამედიცინო კვლევა ტარდება. აქციის პირველი დღე ორპირის ადმინისტრაციულ ერთეულში შედგა, სადაც ადგილობრივ მოსახლეობას დასავლეთ საქართველოს ინტერვენციული მედიცინის ეროვნული ცენტრის ათი პროფილის ექიმი მოემსახურა. 2 ივლისს პაციენტებს სოფელ მუხურაში, ხოლო 3 ივლისს - ტყიბულისა და მისი მიმდებარე სოფლების წარმომადგენლებს წმ. ნიკოლოზის სახელობის სამედიცინო კლინიკისა და რეფერალური საავადმყოფოს წამყვანი სპეციალისტები კვლევას ჩაუტარებენ. ნათია მურუსიძე 

სრულად ნახვა

40 ათასი ევრო ტყიბულის განვითარებისათვის დაიხარჯება

  „ადგილობრივი თანამშრომლობა იმერეთის მეორე დონის პოსტინდუსტრიული ქალაქების გამოცოცხლებისათვის“ - ამ სახელწოდების პროექტის ფარგლებში ტყიბულის მუნიციპალიტეტის მერი, თემურ ჩუბინიძე და საკრებულოს თავმჯდომარე, ნატალია კობახიძე, პარტნიორი ორგანიზაციების წარმომადგენლებს საინფორმაციო ხასიათის ფორმატში შეხვდნენ. იგი ევროკომისიის მიერ დაფინანსებულია, რომლის ბიუჯეტიც 355 ათას ევროს შეადგენს, იმერეთის მხარის სამ პოსტინდუსტრიულ ქალაქში - ზესტაფონში, ჭიათურასა და ტყიბულში განვითარების გეგმის შემუშავებასა და დასაქმების ალტერნატიული წყაროების შექმნას გულისხმობს. აღნიშნულ ქალაქებთან ერთად კიდევ ორი პარტნიორის, - პოზნანის მეტროპოლიის ასოციაციისა (პოლონეთი) და მდგრადი განვითარების ორგანიზაციის (საქართველო), წარმომადგენელებს შორის თანამშრომლობის მემორანდუმი, გუშინ, ზესტაფონის მუნიციპალიტეტში, გაფორმდა. ტყიბულში გაცნობითი ხასიათის ვიზიტით, სწორედ, პოლონური ...

სრულად ნახვა

სამძიმარი გარდაცვლილ მეშახტეთა ოჯახებს

სამწუხაროა, რომ უმძიმესი ტრაგედია დატრიალდა დღეს ტყიბულის მინდელის სახელობის შახტში. დახლოებით 03:50 საათზე, დასავლეთ მე-10 ველში, პირველ ნახშირმომპოვებელ უბანში, +300 ჰორიზონტზე, სავარაუდოდ, მოხდა „სამთო დარტყმა“ - გვირაბის გვერდითი ქანების ჩამოშლა, რომელსაც ახლავს ჰაერის დარტყმითი ტალღის გავრცელება. წინასწარი შეფასებით, წარმოქმნილი ჰაერის დარტყმითი ტალღა ამავე უბნის კაპიტალურ გვირაბებში გავრცელდა, რის შედეგადაც, სამწუხაროდ, ტრავმული დაზიანება მიიღო სამმა მეშახტემ, ხოლო 6  ადგილზე გარდაიცვალა. ტყიბულის მინიციპალიტეტის მერია და საკრებულო ღრმა მწუხარებას გამოთქვამს მომხდარი უბედური შემთხვევის გამო და  სამძიმარსა და თანადგომას უცხადებს დაღუპული მეშახტეების ოჯახებს.  

სრულად ნახვა

სოფლების შიდა გზების რეაბილიტაცია 12 მიმართულებით მიმდინარეობს

  ტყიბულის მუნიციპალიტეტში სოფლების შიდა გზების რეაბილიტაცია ხორციელდება, რომელიც 11 მიმართულებით მონაკვეთების კეთილმოწყობას მოიცავს. მათი ნაწილი ამ დროისათვის უკვე დასრულებულია, ახალსოფელში მუნიციპალიტეტის მერმა, თემურ ჩუბინიძემ ახლადრეაბილიტირებული გზა დაათვალიერა, სადაც 500 მ. სიგძისა და 5 მ. სიგანის არმირებული ბეტონის საფარი დაიგო, ასევე, გაკეთდა სანიაღვრე არხები.     პროექტის ფარგლებში გზები შემდეგი მიმართულებებით მოეწყობა: მუხურა; მანჭიორი; ახალსოფელი; ცუცხვათი - ძუყნური; ხრესილი (ორღელე); მანდიკორი; ბობოთი; სოჩხეთი (მუხნარი); კურსები (უკლებების უბანი); გურნა (ნაჭიშკრევი); ოჯოლა. სულ 6 620 მ. სიგრძის  არმირებული ბეტონისსაფარიანი გზისათვის რეგიონული განვითარების ფონდის დაფინანსებით 2 მილიონი ლარი იხარჯება. სამუშაოებს ტენდერში გამარჯვებული კომპანიები, შ.პ.ს. ,,გი-ან ...

სრულად ნახვა

„გულადი ფისო“ - ნორჩი მაყურებლისათვის

  ტყიბულის მუნიციპალიტეტის თეატრის სცენაზე ნორჩ მაყურებელს თოჯინების სპექტაკლი, „გულადი ფისო,“ წარმოუდგინეს. მუსიკალურად დატვირთული 30 წუთიანი პროექტი შოთა რუსთაველის სახელობის მოსწავლე-ახალგაზრდობის სასახლისა და მუნიციპალიტეტის თეატრის ერთობლივი ნამუშევარია, რომლის რეჟისორიც თეატრის სამხატვრო ხელმძღვნელი, მარიკა ბრეგაძეა. სიუჟეტი ფისოსა და მისი მეგობარი მამლაყინწას ირგვლივ ვითარდება. მსუნაგი მელიის მიერ მოტყუებით მოტაცებული მსუქანი მამლაყინწას დაბრუნებაში გულად ფისოს ანცი ყურცქვიტა ეხმარება.   ბაგა-ბაღისა და სკოლის ასაკის მოზარდმა მაყურებელმა ემოციურად და ტაშით მიიღო თოჯინების წარმოდგენა, რომელშიც თეატრის დასის მსახიობებთან, თორნიკე გოტიაშვილთან და თინათინ ნემსაძესთან (ახლადმოწვეული მსახიობი) ერთად, სასახლის პედაგოგები, ცისანა ქათამაძე და ბელა გვენეტაძე, მონაწილეობდნენ. რაც შეეხება მუსიკალურ ...

სრულად ნახვა

ყველაზე დიდი ჯილდო _ ხალხის სიყვარულია

  ლილი ექიმო, გილოცავთ დაბადებიდან 90 წლის იუბილეს... იშვიათია ადამიანი, რომელსაც თავისი პროფესიული მოღვაწეობით ისეთი დიდი სიყვარული და პატივისცემა დაეთესოს ხალხში, როგორიც _ თქვენ! ეს არც არის გასაკვირი, რადგან ტყიბულის მუნიციპალიტეტში არ მოიძებნება ოჯახი, რომელთა შვილებისათვის რაიმე სამედიცინო რჩევა ან დახმარება არ გაგეწიოთ დამსახურებულ პედიატრს! ვინ მოთვლის, ქალბატონო ლილი, რამდენ პატარას შეუნარჩუნეთ სიცოცხლე?! მიუხედავად ასაკისა თქვენი ცოდნა და გამოცდილება დღესაც სჭირდება ჩვენი ქალაქის მედიცინას. იყო კარგი მეუღლე, დედა, ბებია და იმავდროულად ასეთი პროფესიონალი, ეს რჩეულთა ხვედრია. იმ უამრავ ჯილდოთა და წოდებათა ჩამონათვალს შორის, რომლებიც მიღებული გაქვთ, ყველაზე დიდი და ღირებული _ ეს ხალხის ...

სრულად ნახვა

ხელოვნების სკოლაში მუსიკალური კვირეული დაიწყო

   კულტურის ობიექტების გაერთიანების, მაყვალა ქასრაშვილის სახელობის, ხელოვნების სკოლაში მუსიკალური კვირეული საორკესტრო განყოფილების კონცერტით გაიხსნა. ღონისძიებაში ჩართულნი იყვნენ ვიოლინოს, ფლეიტისა და გიტარის კლასების მოსწავლეები. საკონცერტო პროგრამა, რომელიც ამავე დაწესებულების პედაგოგს, ნინო აბესაძეს, მიჰყავდა ათამდე ნომერს მოიცავდა.   მუსიკალური კვირეულის გამართვა ხელოვნების სკოლაში ტრადიციად დამკვიდრდა და უკვე მესამე წელია, რაც ეწყობა. პროექტის ფარგლებში ღონისძიებები 31 მაისის ჩათვლით ყოველდღიურად 16:00 საათზე დაიწყება. მასში, გარდა საორკესტრო განყოფილებისა, მონაწილეობას მიიღებენ ხალხურ საკრავთა, ვოკალური და საგუნდო, ასევე საფორტეპიანო განყოფილებებისა და საბალეტო კლასის მოსწავლეები, რომლებიც მიმდინარე წლის განმავლობაში ჩატარებულ კონცერტებზე შეირჩნენ. აღსანიშნავია, რომ 31 მაისს კვირეულის დახურვის ...

სრულად ნახვა

სასკოლო სპორტული ოლიმპიადის მუნიციპალური ეტაპი ფრენბურთში

  საქართველოს სასკოლო სპორტული ოლიმპიადა გრძელდება. ტყიბულში მუნიციპალურ ეტაპზე შეჯიბრი, ამჯერად, ფრენბურთში მოეწყო, რომელიც N5 საჯარო სკოლის დარბაზში გაიმართა. მასში მონაწილეობდნენ, როგორც ვაჟთა, ისე გოგონათა გუნდები შვიდი საჯარო სკოლიდან, აქედან - ქალაქის N1, N2, N4, N5 და N6, ხოლო სოფლების - საწირისა და ხრესილის სკოლების წარმომადგენელები. დებულების თანახმად ჩართულობა მხოლოდ 2002-03-04 წლებში დაბადებულ მოსწავლეთათვის იყო დაშვებული. წილისყრით გამოვლენილ იქნა მოპაექრეთა ვინაობა. ასპარეზობა გოგონებმა დაიწყეს. თითოეული გუნდის შემადგენლობა 6 - ძირითადი, 6 სათადარიგო სპორტსმენითა და 1 მწვრთნელ-მასწავლებლით განისაზღვრა. შეხვედრები 15 ქულის მოგროვებამდე ორ თამაშად მიმდინარეობდა, ფრეს შემთხვევაში კი, გამარჯვებულს მესამე თამაში ...

სრულად ნახვა

მონიტორინგი უმწეოთა სასადილოში

  ტყიბულში უმწეოთა სასადილოში არსებული პირობების გასაცნობად მუნიციპალიტეტის მერმა, თემურ ჩუბინიძემ და საკრებულოს თავმჯდომარემ, ნატალია კობახიძემ, მონიტორინგი განახორციელეს. ისინი ბენეფიციარებს გაესაუბრნენ, მათი პრობლემებით დაინტერესდნენ და სერვისის გასაუმჯობესებლად სამომავლო ღონისძიებები დასახეს. თვითმმართველობის ხელმძღვანელებმა კვების ბლოკიც დაათვალიერეს და სანიტარულ-ჰიგიენური პირობებიც შეამოწმეს. რაციონის შემადგენლობისა და მომსახურე პერსონალის მიმართ მადლიერება სტუმრებთან საუბრისას ბენეფიციარებმა პირადად გამოხატეს. ბოლო წელიწადნახევარია მათ სოციალური სამრეცხაოთი სარგებლობის შესაძლებლობაც მიეცათ.   აღსანიშნავია, რომ მუნიციპალიტეტში მოქმედი სოციალური პროგრამის უფასო სასადილოს ქვეპროგრამით დღეისათვის 100 ბენეფიციარი სარგებლობს, რომელთა კვებით უზრუნველყოფაც ყოველდღიურად ადგილზე ხდება, ხოლო გადაადგილების უუნარო პირები საკვებს ბინაზე იღებენ. მერია და მერიის ჯანმრთელობისა და ...

სრულად ნახვა

მკითხველთა საყურადღებოდ!

  ტყიბულისა და თერჯოლის მიტროპოლიტის, მეუფე გიორგი (შალამბერიძის), ლოცვა-კურთხევით, 17 წლიანი შესვენების შემდეგ, აღდგა და გამოვიდა საეკლესიო გაზეთი „ცხრაჯვარი.“    „მშვიდობა თქვენდა!“ - მაცხოვრის ამ სიტყვებით ესალმება იგი მორწმუნე საზოგადოებას.  „ - მართლმადიდებლური სულისკვეთება გახდა საფუძველი, სულიერი საზრდო მივაწოდოთ მკითხველს, დედა-ეკლესიამ კი გზა უნდა გაგვინათოს ჭეშმარიტების შეცნობისაკენ“ _ ვკითხულობთ შესავალ ნაწილში...    რეადაქცია  ეპარქიის ღირსეულ წინამძღოლს, მეუფე გიორგის, ანგელოზის დღეს ულოცავს და სარწმუნოებაში, გაბრწყინებული ჯვრით ხელში, ერისა და ბერის გაერთიანებას უსურვებს მას!   რუბრიკაში, „ოკრიბის სიწმიდეები,“ ქუთაისის ცენტრალური აქრივის დირექტორი, მერაბ კეზევაძე, საინტერესო მასალას გვაწვდის ბუეთის მთავარანგელოზის სახელობის ეკლესიის ისტორიიდან. ასევე, გაზეთი ეხმაურება ...

სრულად ნახვა

პროექტის, „დავასუფთაოთ საქართველო,“ პრეზენტაცია ტყიბულში

   „დავასუფთაოთ საქართველო,“ - ამ სახელწოდების პროექტის პრეზენტაცია გაიმართა მუნიციპალიტეტის გამგეობის სააქტო დარბაზში, რომელსაც არასამთავრობო ორგანიზაცია - საქართველოს ბუნების მკვლევართა კავშირი „ორქისი,“ შვედეთის მთავრობის ფინანსური მხარდაჭერით, ახორციელებს.   „ორქისის“ ექსპერტებმა ადმინისტრაციის ხელმძღვანელობასა და სამსახურების წარმომადგენლებს მიაწოდეს ინფორმაცია საქართველოში ნარჩენების მართვის საკანონმდებლო მოთხოვნების სიახლეების შესახებ. პროექტის ფარგლებში მოხდება საველე სამუშაოების წარმოება, რის შედეგადაც შესწავლილი იქნება სპონტანური ნაგავსაყრელებით გამოწვეული გარემოს დაბინძურების დონე. ნათია მურუსიძე

სრულად ნახვა

„ჯვარი ვაზისა“ - თეატრ-სტუდიის პრემიერა

  საქართველოს კათოლიკოს-პატრიარქის, ილია II-ის სახელობის საბავშვო სასულიერო თეატრ-სტუდია „ნატვრისთვალმა“ ერთმოქმედებიანი ლიტერატურული სპექტაკლის, „ჯვარი ვაზისას,“ პრემიერა წარმოადგინა, რომელიც ახლახანს გარდაცვლილ ახალგაზრდა მსახიობს, სანდრო ბუცხრიკიძეს, მიეძღვნა.   ეს უკვე რიგით მეორე სპექტაკლია, რომელიც საბავშვო კოლექტივმა მაყურებელს უჩვენა, სადაც ქართველთა განმანათლებლის, წმ. ნინოს, ცხოვრება და საქართველოში ქრისტიანობის ქადაგება იყო მოთხრობილი.   სტუდიას მუნიციპალიტეტის თეატრის დირექტორი, რეჟისორი, ლალი კუბლაშვილი, ხელმძღვანელობს. ნათია მურუსიძე https://youtu.be/gUuEz-kafkY

სრულად ნახვა

ორპირში გამარჯვებული ნორჩი მოჭადრაკეები დააჯილდოვეს

  ორპირში, საჭადრაკო კლუბის, „ტყიბულის,“ დამწყებ მოჭადრაკეთა ჩემპიონატი გაიმართა. 13 მოთამაშეს შორის შეჯიბრება წრიული სისტემით, უმცროს და უფროს ასაკობრივ კატეგორიებში, ჩატარდა. I ადგილის მფლობელები გახდნენ: ანი ავალიანი, თიკო კვარაცხელია და მათე მიქაბერიძე, II და III ადგილი კი საბა მესხორაძემ და რეზი ჭიქაბერიძემ გაინაწილეს. ასპარეზობა კომპოზიციებში ანუ ამოცანების ამოხსნაშიც მოეწყო, რომლის გამარჯვებულიც - რეზი ჭიქაბერიძე, ხოლო პრიზიორები - მათე გვეტაძე და მართა ივანეიშვილი გამოვლინდნენ.   აღსანიშნავია, რომ ორპირის ჯგუფში მეცადინეობა ორი წელია, რაც აღდგა და მისი მასწავლებელი, გამოცდილი მწვრთნელი რამაზ ბერეკაშვილია. ნათია მურუსიძე

სრულად ნახვა

ელგუჯა გოცირიძე : „ვალდებული ვარ, ჩემი წვლილი შევიტანო მშობლიური რაიონების განვითარებაში და მე ამ ვალდებულებას აუცილებლად შევასრულებ!“

  თერჯოლა-ტყიბულის გაერთიანებულ N50-ე მაჟორიტარულ საარჩევნო ოლქში, 2016 წლის საპარლამენტო არჩევნებისათვის, 15 მაჟორიტარი დეპუტატობის კანდიდატია რეგისტრირებული. აქედან, 13 პოლიტიკური პარტიის მიერ, ხოლო 2 - საინიციატივო ჯგუფიდანაა წარმოდგენილი.   საზოგადოებაში დიდი ინტერესია, იცნობდნენ დეპუტატობის კანდიდატებს. შევეცადეთ, მოგვეპოვებინა მათ შესახებ ინფორმაციები, რომელსაც პოლიტიკური რეკლამის ფარგლებში ვთავაზობთ ჩვენს მკითხველს.  ფასიანი პოლიტიკური რეკლამა პარტიული ნომერი 41 „ქართული ოცნება-დემოკრატიული საქართველო“   ელგუჯა გოცირიძე დაიბადა 1958 წლის 20 მარტს, თერჯოლაში. 1976 წ. დაამთავრა ქ. ტყიბულის N2 საშუალო სკოლა. 1981 წ. - თბილისის სახელმწიფო სამედიცინო ინსტიტუტი, ექიმის კვალიფიკაციით. 1986 წ. – კლინიკური ორდინატურა აკადემიკოს ჩაჩავას სახელობის პერინატალური მედიცინისა და მეანობა-გინეკოლოგიის სამეცნიერო კვლევით ...

სრულად ნახვა

21 მარტი დაუნის სინდრომის საერთაშორისო დღეა

21 მარტს დაუნის სინდრომის საერთაშორისო დღე აღინიშნება. ამ თარიღთან დაკავშირებით მსოფლიოს მრავალ ქვეყანაში, და მათ შორის საქართველოში, საზოგადოებაში ცნობადობის ამაღლებისა და ამ სინდრომის მქონე ადამიანთა უფლებების დაცვის მიზნით, სხვადასხვა ღონისძიებები იმართება. ტყიბულის მუნიციპალიტეტის საკრებულოს თავმჯდომარე, ნატალია კობახიძე, საკრებულოს დეპუტატებთან და მერიის განათლების, კულტურის, სპორტის, ახალგაზრდობისა და ტურიზმის განვითარების სამსახურის წარმომადგენელთან ერთად, ჩვენს ქალაქში მცხოვრებ დაუნის სინდრომის მქონე ადამიანებს ოჯახებში ეწვია და, ადგილობრივი თვითმმართველობის სახელით, მათ ტკბილეულითა და სხვადასხვა სახის საჩუქრებით დაკომლექტებული პაკეტები გადასცა. მარი ბაბუხადია

სრულად ნახვა

დასუფთავების მორიგი აქტივობა ქალაქში

ტყიბულის მუნიციპალიტეტის კომუნალური გაერთიანების დასუფთავების სამსახურმა ქალაქის ტერიტორიაზე მორიგი აქტივობა განახორციელა. რუსთაველის ქუჩის მიმდებარედ არსებული ფერდობები და სკვერები, ასევე, თაბუკაშვილის ქუჩის ნაწილი, საყოფაცხოვრებო ნარჩენებისაგან გაიწმინდა. აღნიშნული სამსახურის წარმომადგენლები თხოვნით მიმართავენ მოსახლეობას თავი შეიკავონ გარემოს დაბინძურებისაგან და ისარგებლონ სანაგვე ურნებით. ნათია მურუსიძე https://youtu.be/slEHIw6VmjY

სრულად ნახვა

ქართული ესტრადის „ვარსკვლავები“ ტყიბულში

20-25 წლიანი პაუზის შემდეგ ტყიბულს ლეგენდარული ქართველი მომღერლების ჯგუფი ეწვია. ანსამბლების, „ივერიისა“ და „75-ის“ წარმომადგენლებთან ერთად ყველა თაობისათვის საყვარელი ესტრადის „ვარსკვლავები“ საქველმოქმედო მიზნით გაერთიანდნენ და  იმერეთის რეგიონში უჩა კორძაიას მხარდამჭერ კამპანიას ახორციელებენ.

სრულად ნახვა

საკრებულოს სხდომაზე რვა საკითხი დამტკიცდა

ტყიბულის მუნიციპალიტეტის საკრებულომ 25 მაისს, დღისწესრიგის მიხედვით რვა გეგმიური საკითხი დაამტკიცა. სხდომას საკრებულოს თავმჯდომარე თამაზ კუბლაშვილი წარმართავდა.

სრულად ნახვა

საკრებულოს სხდომაზე ცხრა პროექტი დამტკიცდა

ტყიბულის მუნიციპალიტეტის საკრებულოში რიგით მეთხუთმეტე სხდომა გაიმართა, რომელსაც ამ ორგანოს თავმჯდომარის მოადგილე, ბონდო კუბლაშვილი, უძღვებოდა. დეპუტაციასთან ერთად შეხვედრას მუნიციპალიტეტის გამგებელი, რობიზონ გვენეტაძე, მისი მოადგილე, გიორგი ლომთაძე და გამგეობის სტრუქტურული ერთეულების ხელმძღვანელები ესწრებოდნენ. დღის წესრიგის მიხედვით ცხრა საკითხი იქნა განსახილველად წარმოდგენილი, რომელთაც დეპუტატებმა ერთხმად დაუჭირა მხარი. ნათია მურუსიძე https://youtu.be/vbgqZRZOyqI

სრულად ნახვა

ივლისი 2015

  (იხილეთ გაზეთის ელექტრონული ვერსია). ათწლიანი პაუზის შემდეგ, დღეს უკვე თქვენს წინაშე წარდგა გაცოცხლებული და განახლებული, ჭარმაგი, იუბილარი (10 სექტემბერს მას დაარსებიდან 85 წელი უსრულდება) გაზეთი, რომელსაც დაუბრუნდა მისი ისტორიული სახელი „ტყიბული“, და რომელიც არ უღალატებს სანიმუშო ტრადიციებს, უანგარო სამსახურს გაუწევს მის ერთგულ მკითხველს, გახდება თითოეული თქვენთაგანის საუკეთესო მეგობარი და მესაიდუმლე.. აღწერს და ასახავს იმ დროს, რომელსაც თაობები ქმნიან და თაობები ალამაზებენ და რაც მთავარია, იტყვის მართალ, უშიშარ სიტყვას, რომელიც ჭეშმარიტებასთან მიგვიყვანს... რამეთუ ამ წუთისოფელში სუფთა ფურცლის გარდა კიდევ არსებობს სინდისი, რომელზეც უნდა იწერებოდეს სიმართლე დასაბამიდან უსასრულობამდე...  მეგობრებო, გამოვიდა აღდგენილი, ისტორიული, ...

სრულად ნახვა

კონკურსის, „საქართველოს მოხალისის, შერჩევა მიმდინარეობს

  საქართველოს განათლებისა და მეცნიერების სამინისტრო ახორციელებს მოხალისეობის განვითარების პროგრამას, - „საქართველოს მოხალისეს," რომლის მიზანია მოხალისეობის ინსტიტუტის გაძლიერება, სამოქალაქო სექტორთან თანამშრომლობა და ქვეყნის საკეთილდღეოდ, საკუთარი ნების საფუძველზე, უანგარი შრომის პოპულარიზაცია.   აღნიშნული პროგრამის ფარგლებში გამოცხადდა კონკურსი ა/წ-ის  6 ივნისიდან - 3 ივლისის ჩათვლით, 16-25 წლამდე ასაკის ახალგაზრდებს შორის, მოხალისეების შერჩევის მიზნით (მუნიციპალიტეტში შეირჩევა 2 მოხალისე).  დაინტერესების შემთხვევაში გთხოვთ, მიმართოთ ვებგვერდს, შემდეგ მისამართზე  jouth.indgo.ge მერიის განათლების, კულტურის, სპორტის, ახალგაზრდობისა და ტურიზმის განვითარების სამსახური

სრულად ნახვა

ყურადღება, იყიდება!

    ტყიბულის მუნიციპალიტეტის მერიის ეკონომიკისა და ქონების მართვის სამსახური აცხადებს აუქციონს შემდეგ გასაყის უძრავ და მოძრავ ქონებაზე. ქ. ტყიბულში, ძმ. ვარდოსანიძეების ქ. N29-ში მდებარე 820 მ2 მიწის ნაკვეთი და მასზე განთავსებული 565 მ2 შენობა-ნაგებობა, ს/კ 39.01.30.055, ქონების ფასი - 40500 ლარი; ქ. ტყიბულში, დუმბაძის ქ. N13-ში მდებარე 1319 მ2 მიწის ნაკვეთი და მასზე განთავსებული 280,9 მ2 შენობა-ნაგებობა, ს/კ 39.01.22.001, ქონების ფასი - 12764 ლარი; ქ. ტყიბულში ლესელიძის ქუჩის მიმდებარედ განთავსებული 599 მ2 მიწის ნაკვეთი , ს/კ 39.01.30.024, ქონების ფასი - 2000 ლარი; ტყიბულის მუნიციპალიტეტის სოფელ კურსებში მდებარე 2765 მ2 მიწის ნაკვეთი და მასზე ...

სრულად ნახვა

ორპირის სკოლაში სეით ჯინჯიხაძის ბიუსტი დაიდგა

  პედაგოგისა და საზოგადო მოღვაწის სეით ჯინჯიხაძის ბიუსტი ორპირის საჯარო სკოლის ეზოში მისი შვილიშვილების თაოსნობით დაიდგა. აქტიური მოქალაქისა და მშობლიური სოფლის მოამაგის სახელს არაერთი კეთილი საქმე უკავშირდება. მნიშვნელოვანია, რომ მისივე ავტორობით შექმნილი წიგნი სახელწოდებით - „ორპირის სკოლა“ ცოტა ხნის წინ ოჯახის მონდომებითა და ინიციატივით დაიბეჭდა. ნათია მურუსიძე

სრულად ნახვა

შეხვედრა კალათბურთში სასკოლო სპორტული ოლიმპიადის ფარგლებში

  ტყიბულში საქართველოს სასკოლო სპორტული ოლიმპიადის მუნიციპალური თამაშების ფარგლებში შეხვედრა კალათბურთში სპორტის სასახლეში გაიმართა. ღონისძიება ვაჟთა და გოგონათა კატეგორიაში მოეწყო. მასში ჩართულნი იყვნენ ქალაქ ტყიბულის ყველა და ასევე, ორპირის, სოჩხეთის, კურსების, გელათისა და ხრესილის საჯარო სკოლების, სულ 16 გუნდი. მათგან 6 გოგონათა, ხოლო 10 ვაჟთა შემადგენლობით იყო დაკომპლექტებული. თითოეული მოასპარეზე ჯგუფი 3 ძირითადი და 1 სათადარიგო მოთამაშისაგან შედგებოდა, რომელთაც თან ახლდა 1 მწვრთნელ-მასწავლებელი. ფინალში ერთმანეთს გოგონებიდან - N7 და ორპირის, ხოლო ვაჟებში - N1 და N6 საჯარო სკოლების წარმომადგენლები შეხვდნენ.   გამარჯვება გოგონებიდან ორპირის, ვაჟებიდან კი, - N1 სკოლების გუნდებმა მოიპოვეს.   ...

სრულად ნახვა

შიდა აუდიტისა და მონიტორინგის სამსახური საუკეთესოდ დასახელდა

ტყიბულის მუნიციპალიტეტის გამგეობის ყოველკვირეულ თათბირზე გამგებელმა, რობიზონ გვენეტაძემ, შიდა აუდიტისა და მონიტორინგის სამსახური საუკეთესოდ დაასახელა და ასეთი შეფასება მას ეფექტური და წარმატებული მუშაობისათვის მისცა. საყურადღებოა, რომ უკვე ორჯერ, ჯერ 2016 წელს  და შემდეგ კი - 2017 წლის 6 თვის (პირველი ნახევრის) მანძილზე გაწეული მუშაობის ანგარიში საკრებულოს მიერ დადებითად იქნა შეფასებული. აღნიშნული სტრუქტურული ერთეული 2014 წლის სექტემბრიდან ფუნქციონირებს, რომელიც უზრუნველჰყოფს მუნიციპალიტეტის გამგეობის სამსახურების, შპს-ებისა თუ ა.(ა).ი.პ.-ების საქმიანობის სრულყოფას, ფინანსების მართვის გაუმჯობესებას, სახსრებისა და სხვა მატერიალური ფასეულობების ხარჯვისა და გამოყენების კანონიერებას, მიზნობრიობის დაცვას შიდა აუდიტორული შემოწმებისა და მონიტორინგის მეშვეობით. სამსახურის უფროსი - ოლეგ ქარქაშაძე, ...

სრულად ნახვა

ყოველკვირეული თათბირი გამგეობაში

ორშაბათის ყოველკვირეულ თათბირს ტყიბულის მუნიციპალიტეტის გამგეობაში ტრადიციულად გამგებელი რობიზონ გვენეტაძე უძღვებოდა. შეხვედრაზე მნიშვნელოვანი აქცენტი ტყიბულქალაქობის დღესასწაულისათვის სამზადისზე გაკეთდა. სამსახურის უფროსებსა და ა.(ა).ი.პ-ების დირექტორებს აღნიშნულ სახალხო ზეიმში აქტიური ჩართულობა დაევალათ. თათბირზე მომავალი კვირის სამუშაო გეგმებიც დაისახა.   ნათია მურუსიძე

სრულად ნახვა

საქართველოს ჩემპიონები „კუნგ–ფუ–ფაიტინგში

  საქართველოს „კუნგ-ფუს ეროვნული ფედერაციის“ ორგანიზებით ხარაგაულის მუნიციპალიტეტში ორი დღის მანძილზე მიმდინარეობდა საქართველოს ჩემპიონატი, სადაც თითქმის ყველა რეგიონის  122 სპორტსმენი იღებდა მონაწილეობას.ტყიბულიდან ტურნირზე მუნიციპალიტეტის სპორტული ცენტრის კუნგ-ფუს სკოლის 4 და „ოლეგ ფანჩულიძის კუნგ-ფუს სკოლის" 14 სპორტსმენი ასპარეზობდნენ. მათ 12 - I, 2 - II  და 2 - III ადგილები მოიპოვეს. „საქართველოს პირველობა კუნგ-ფუ ფაიტინგში'' ტყიბულელმა სპორტსმენებმა, 15 კლუბს შორის, გუნდური I ადგილი აიღეს. ჩემპიონები ტურნირისთვის მწვრთნელებმა, ოლეგ ფანჩულიძემ, ლევან კუბლაშვილმა და ლაშა ცქიფურიშვილმა, მოამზადეს. ნანა რაზმაძე

სრულად ნახვა

გამგეობის ინიციატივით „ნაბიჯი ტყიბულის“ შენობის სახურავის დემონტაჟი დაიწყო

ტყიბულში შეზღუდული შესაძლებლობების მქონე პირთა დღის ცენტრის შენობაზე სახურავის დემონტაჟის პროცესი დაიწყო. ორგანიზაცია „ნაბიჯი ტყიბულს“ პირადი ინიციატივით მუნიციპალიტეტის გამგეობისა და კომუნალური გაერთიანების წარმომადგენლები მხარში ამოუდგნენ და დაზიანებული სახურავის ნარჩენების გატანაში დაეხმარნენ. უმოკლეს დროში შენობაზე სარემონტო სამუშაოები დაიწყება და ცენტრიც ფუნქციონირებას შეუდგება. ნათია მურუსიძე

სრულად ნახვა

კლუბ „მეშახტის“ დაჯილდოება

  ტყიბულის მუნიციპალიტეტის ადგილობრივი თვითმმართველობის ადმინისტრაციული შენობის სხდომათა დარბაზში შ.პ.ს. საფეხბურთო კლუბი „მეშახტე“ დააჯილდოვეს.შეხვედრას მუნიციპალიტეტის მერი, თემურ ჩუბინიძე, საკრებულოს თავმჯდომარე, ნატალია კობახიძე, მერის I მოადგილე, გიორგი ლომთაძე, ვეტერანი ფეხბურთელები და გულშემატკივრები ესწრებოდნენ.   „მეშახტე“ მიმდინარე წელს  საქართველოს ეროვნული ჩემპიონატის „ლიგა 3-ში,“ მთელი ქვეყნის მასშტაბით, 20 გუნდთან ერთად, მონაწილეობდა. პირველი წრის ბოლოს მისი პოზიციები არასახარბიელო იყო. ზედიზედ 6 ტურის  წაგების შემდეგ, გუნდის დაქვეითების საშიშროება შეიქმნა. თუმცა, კლუბის დირექტორის, გია ბოჭორიშვილის, სწორი მენეჯმენტის მიხედვით, მთავარი მწვრთნელი და რამდენიმე ფეხბურთელი შეიცვალა. შედეგმაც არ დააყოვნა. მეორე წრის თამაშებში „მეშახტემ“ თავი ისახელა, 9 საშინაო მატჩიდან 8 ...

სრულად ნახვა

კურსდამთავრებულთა ნამუშევრების გამოფენა სამხატვრო სკოლაში

  ტყიბულის სამხატვრო სკოლაში 2018-19 სასწავლო წლის კურსდამთავრებულთა ნამუშევრების გამოფენა მოეწყო. სულ 19 მოსწავლის მიერ, ბოლო ორი წლის განმავლობაში, შექმნილი სახვითი და გამოყენებითი ხელოვნების 150-მდე ნიმუში დამთვალიერებლებისათვის სკოლის საგამოფენო სივრცეში იყო წარმოდგენილი. ავტორებს თავიანთი, ფიქრი, გარემოსა და სამყაროსადმი დამოკიდებულება თუ ინდივიდუალური ხედვა, ძირითადად, ფერწერულ, გრაფიკულ, თექისა და ვიტრაჟულ ნამუშევრებში ჰქონდათ გადმოცემული. გარდა ამისა, დიდ დაინტერესებას იწვევდა ქართველი მეფეებისა და ისტორიული გმირების ბრინჯაოსა და სპილენძის ფაქტურის ქანდაკებები, როგორც პორტრეტები, ისე კომპოზიციები. ასევე, კენჭებსა და ხის მერქანზე შესრულებული ფერადი მინიატურები. ისე როგორც ყოველი სასწავლო წლის ბოლოს ამჯერადაც აქ სტუმრებს ხელოვნების ისტორიაში კურსდამთავრებულთა ...

სრულად ნახვა

დიდთოვლობას მუნიციპალიტეტი მომზადებული ხვდება

  ტყიბულის მუნიციპალიტეტში ჭარბი ნალექის მოსვლასთან დაკავშირებით გზების გაწმენდითი სამუშაოების ინტენსიური მიმდინარეობა გამგებელმა, რობიზონ გვენეტაძემ, რამდენიმე ადგილზე მოინახულა. საგანგებოდ მობილიზებულია რამდენიმე ერთეული სათანადო ტექნიკა.   თოვლისაგან იწმინდება, როგორც ცენტრალური ასევე, გარე უბნების გზები. მარი ბაბუხადია

სრულად ნახვა

თერჯოლაში შშმ პირებს სპეციალური ეტლები გადაეცათ

  თერჯოლა-ტყიბულის მაჟორიტარი დეპუტატის, ელგუჯა გოცირიძის, ჩართულობითა და თერჯოლის მუნიციპალიტეტის თვითმმართველობის ორგანიზებით, შეზღუდული შესაძლებლობის მქონე პირთა დასახმარებლად, აქცია მოეწყო.    საერთაშორისო ასოციაციის, „საქართველოს ქალები მშვიდობისა და სიცოცხლისათვის,“ თანადგომით 32 ბენეფიციარს სტანდარტული და „რაფრაიდერის“ ტიპის ეტლები გადაეცათ. ნათია მურუსიძე

სრულად ნახვა

მამა პეტრე ლიტერატურულ კაფეში

მოსწავლე-ახალგაზრდობის სასახლეში არსებული ლიტერატურული კაფე სვეტიცხოვლის საკათედრო ტაძრის დეკანოზს, მამა პეტრე კვარაცხელიას, მასპინძლობდა., რომელიც მისივე პოეზიით ღვთიურ სათნოებებს, ადამიანური ღირებულებების უზენაესობას ქადაგებდა. მოწიწებით კითხულობდნენ მოზარდები ჭეშმარიტი მოძღვრის პოეზიის ნიმუშებს...

სრულად ნახვა

კურსდამთავრებულთა ნამუშევრების გამოფენა სამხატვრო სკოლაში

        კულტურის ობიექტების გაერთიანების სამხატვრო სკოლამ კურსდამთავრებულთა  ნამუშევრების გამოფენა მოაწყო.

ბავშვთა დაცვის დღისადმი მიძღვნილი კონცერტი

     ბავშვთა დაცვის საერთაშორისო დღე 1 ივნისს საქართველოში, ისე როგორც მსოფლიოს მრავალ ქვეყანაში, ყოველწლიურად აღინიშნება.

ტყიბულელთა ტრიუმფი!

  ,,დასრულდა 15 წლამდელთა წლევანდელი ჩემპიონატი და დასრულდა ისე, როგორადაც ვერავინ იფიქრებდა — აქამდე ჩრდილში მდგომი ტყიბულური ხელბურთი ავანსცენაზე გამოჩნდა და პირველი ნაბიჯები ძალიან მძლავრი გამოუვიდა — 2006-07 წლებში დაბადებულ გოგონათა შორის საქართველოს ჩემპიონის ტიტულს დაეუფლნენ.»

აპრილში კოვიდდადებითობამ ტყიბულში მოიმატა

  ეპიდვითარების მაჩვენებელი ტყიბულის მუნიციპალიტეტში აპრილის თვეში, გასულ თვესთან შედარებით, გაორმაგებულია და დღეისათვის 54 კოვიდდადებით ფაქტს შეადგენს

ზურაბ ობოლაძე კრივში საქართველოს ჩემპიონი გახდა

  ტყიბულის მუნიციპალიტეტის სპორტული ცენტრის აღსაზრდელებმა საქართველოს ჩემპიონატზე მოსწავლე-მოკრივეთა შორის წარმატებით იასპარეზეს და ოქროსა და ბრინჯაოს მედლები მოიპოვეს.