ილია სულამანიძის მეორე გრანდ სლემი და ამჯერად - ვერცხლის მედალი!

  26-28 მარტს თბილისში ძიუდოში გამართულ პრესტიჟულ გრანდ სლემზე საქართველოს ძიუდოისტთა ნაკრები 32 სპორტსმენის შემადგენლობით ასპარეზობდა, აქედან - 25 ვაჟი და 7 - ქალი. ტყიბულელი ილია სულამანიძე, ნაკრების 4 სხვა სპორტსმენთან ერთად, 100 კილოგრამამდე წონით კატეგორიაში მონაწილეობდა. ეს ილიას კარიერაში მეორე გრანდ სლემია, პირველი, სადებიუტო - მან, ცოტა ხნის წინ, თელ-ავივში ბრინჯაოს მედლით დაასრულა.

  ილიამ ზედიზედ 4 შეხვედრა წარმატებით დაასრულა. პირველში ესტონელი ოტო იმალა „დააიპონა,“ მეორე ტურში მსოფლიოს 2019 წლის ჩემპიონი, პორტუგალიელი ჟორჟ ფონსეკა, ვაზარ-იპონით დაამარცხა, მეოთხედფინალში რუსი ნიაზ ბილალოვი დამატებით დროში დაჯაბნა, ნახევარფინალი კი, არაერთი ტიტულის მფლობელ ბელგიელ ტომა ნიკიფოროვთან ისევ იპონით დასრულა.

  ფინალურ ორთაბრძოლაში გადამწყვეტი ერთ ვაზარი გამოდგა, რომლითაც ჩვენს ფალავანს კანადელმა შედი ელნაჰასმა მოუგო და შედეგად ილიამ გრანდ სლემზე ასპარეზობა ვერცხლის მედლით დაასრულა.

  ამგვარად საქართველოს ნაკრები თბილისის გრანდ სლემზე 9 მედლით გუნდურ ჩათვლაში პირველ ადგილზე გავიდა: 2 - ოქრო, 3 - ვერცხლი და 4 - ბრინჯაო.

  აღსანიშნავია, რომ ილია, რომელიც ჯერ 19 წლისაა, უფროსებს სშორის მესამედ იასპარეზა და უკვე ორჯერ მედლის მფლობელი გახდა.

 

ნათია მურუსიძე

 

Добавить комментарий

Ваш адрес email не будет опубликован.