ტყიბულის მუნიციპალიტეტის საკრებულოში რიგგარეშე სხდომა გაიმართა, რომელსაც ამ ორგანოს ხელმძღვანელი, თამაზ კუბლაშვილი, უძღვებოდა. დღის წესრიგი ორ საკითხს მოიცავდა. ორივე განკარგულების პროექტი 2017 წლის 21 ოქტომბრის მუნიციპალიტეტის წარმომადგენლობითი ორგანოს - საკრებულოსა და ქალაქის, თვითმმართველი თემის მერის არჩევნებთან დაკავშირებულ აგიტაციას შეეხებოდა. ტყიბულის მუნიციპალიტეტის ტერიტორიაზე საარჩევნო სუბიექტების ღონისძიების გამართვის მიზნით უსასყიდლოდ გამოიყო კულტურის ცენტრისა და მოსწავლე-ახალგაზრდობის სასახლის შენობები. ასევე, განისაზღვრა სააგიტაციო მასალების გაკვრისა და განთავსებისათვის ნებადართული შენობა-ნაგებობების ჩამონათვალი, როგორც ქალაქის, ისე თემებისა და სოფლების ტერიტორიაზე. კანონის შესაბამისად აღნიშნული ინფორმაცია მიეწოდება N57-ე ტყიბულის საოლქო-საარჩევნო კომისიასა და თითოეულ სუბიექტს

საკრებულომ ორივე პროექტს ერთხმად დაუჭირა მხარი

 ნათია მურუსიძე