001

საკრებულოს გეგმიურ სხდომაზე ოთხი პროექტი მიიღეს

  ტყიბულის მუნიციპალიტეტის ადმინისტრაციული შენობის სხდომათა დარბაზში გამართულ საკრებულოს მორიგ გეგმიურ სხდომას წარმომადგენლობითი ორგანოს თავმჯდომარე, ნატალია კობახიძე, უძღვებოდა. შეხვედრას დეპუტატებთან ერთად მუნიციპალიტეტის მერი, თემურ ჩუბინიძე და მერის I მოადგილე, გიორგი ლომთაძე, ესწრებოდნენ.

  დღის წესრიგის მიხედვით ოთხი განკარგულების პროექტი იქნა წარმოდგენილი და განხილული. მათგან პირველი საკითხი - ინფორმაცია ჩვენს მუნიციპალიტეტში 2018 წელს ეპიდემიოლოგიური სიტუაციის შესახებ, საზოგადოებრივი ჯანმრთელობის ცენტრის დირექტორის, მადონა ქასრაძისაგან, იქნა მოსმენილი. საკითხი - საკრებულოში ფრაქცია „ტყიბულის განვითარებისათვის“ შექმნისა და რეგისტრაციაში გატარებაზე უარის თქმის მიზანშეწონილობას შეეხებოდა. გიორგი ლომთაძის მიერ წარმოდგენილი განკარგულების პროექტი მერიისათვის, ევროკომისიის საქართველოს წარმომადგენლობასთან საგრანტო ხელშეკრულების გაფორმებაზე თანხმობის მიცემის თაობაზე იყო. ბოლო საკითხი - „რეგიონებში განსახორციელებელი პროექტების ფონდიდან ტყიბულის მუნიციპალიტეტში 2018 წელს დაგეგმილი ინფრასტრუქტურული პროექტების მოწონების შესახებ“ საკრებულოს 2017 წლის 6 დეკემბრის N48 87 განკარგულებაში ცვლილების შეტანას უკავშირდებოდა.

  საკრებულოზე წარმოდგენილ ოთხივე განკარგულების პროექტს, მსჯელობის შემდეგ, მხარი ერთხმად დაუჭირეს.

მარი ბაბუხადია

46987294_303502496924990_4406318089835118592_o IMG_4423 IMG_4424 IMG_4426 IMG_4440 IMG_4447 IMG_4451 IMG_4458 IMG_4464