muxura

მუხურაში სამედიცინო აქციით 300-მდე პაციენტმა ისარგებლა

  სამი დღის განმავლობაში, 1 - დან - 3 ივლისის ჩათვლით, ტყიბულის მუნიციპალიტეტში უფასო სამედიცინო აქცია მაჟორიტარი დეპუტატის, ელისო ჩაფიძის, ინიციატივით, ადგილობრივი თვითმმართველობისა და სამედიცინო კორპორაციის „ევექსის“ მხარდაჭერით მიმდინარეობდა.

  2 ივლისს, სოფელ მუხურის მოსახლეობას წმ. ნიკოლოზის ქირურგიული და ონკოლოგიური ცენტრის, თითქმის ყველა პროფილის, კვალიფიციური ექიმებისაგან დაკომპლექტებული შემადგენლობა უტარებდა კონსულტაციებს. აქციის ბოლო მესამე დღე კი სამედიცინო კორპორაციის „ევექსის“ ტყიბულის ჰოსპიტალში შედგა. ტყიბულისა და მისი მიმდებარე სოფლების მცხოვრებლებს სათანადო მომსახურება რეფერალური საავადმყოფოს სპეციალისტებმა გაუწიეს.

  მნიშვნელოვანია, რომ ასეთი ტიპის ღონისძიებები და გასვლები „ევექსის“ მიერ ხშირად ხორციელდება და პაციენტებიც კმაყოფილებასა და მადლიერებას გამოხატავდნენ უფასო აქციის მედპერსონალის, ასევე, ინიციატორებისა და ორგანიზატორებისადმი.

მარი ბაბუხადია