მაგიდის ჩოგბურთში N6 და ორპირის სკოლების გუნდებმა გაიმარჯვეს

ტყიბულის სპორტის სასახლეში, საქართველოს სასკოლო სპორტული ოლიმპიადის 2018 წლის მუნიციპალური თამაშების ფარგლებში, მაგიდის ჩოგბურთში შეჯიბრი გაიმართა. მასში ჩართულნი იყვნენ ქალაქის N 1, N4, N6, N7 და ასევე, ორპირის, ცუცხვათის, კურსებისა და გელათის საჯარო სკოლების 2002-03-04წ.წ. დაბადებული 50-მდე მოსწავლისაგან დაკომპლექტებული 12 გუნდი. მათგან 5-გოგონების, ხოლო 7- ვაჟთა კატეგორიაში. თითოეული მოასპარეზე ჯგუფი ოთხი მოზარდითა და ერთი მწვრთნელ-მასწავლებლით იყო წარმოდგენილი. შეჯიბრი ინდივიდუალურ და წყვილთა შორის შეხვედრებს მოიცავდა. ორ გუნდს შორის გამარჯვებულად ის ითვლებოდა, რომელიც სამი პარტიის შედეგით ჯამურად 63 ქულას პირველი დააგროვებდა. აქტივობას მსაჯობას სპორტული ცენტრის მწვრთნელები უწევდნენ.

ფინალში ერთმანეთს ვაჟების კატეგორიაში N6 და N1, ხოლო გოგონებში ორპირისა და ცუცხვათის სკოლების მოსწავლეები დაუპირისპირდნენ, რომელშიც გამარჯვებულები N6 და ორპირის სკოლების გუნდები გამოვლინდნენ.

სასსკოლო სპორტული ოლიმპიადის მუნიციპალურ შეხვედრას ორგანიზება გამგეობის განათლების, კულტურის, სპორტისა და ახალგაზრდულ საქმეთა სამსახურმა გაუწია. მსაჯებისა და საშეჯიბრო გეგმა - გრაფიკის მომზადება სპორტულმა ცენტრმა, ხოლო შესაბამისი პირობების შექმნა, ღონისძიების სათანადო დონეზე ჩატარებისათვის, სპორტკომლექსმა უზრუნველყო.

ოლიმპიადის მუნიციპალური შეჯიბრება, ასევე, მინი ფეხბურთში, ფრენბურთში, კალათბურთსა და მხიარულ სტარტებში გაიმართება. გამარჯვებულები რეგიონულ თამაშებში მიიღებენ მონაწილეობას.

მარი ბაბუხადია