GUBERNIIS FOTKA

იმერეთის გუბერნიის თანადგომა ჭუბერის მოსახლეობას

     იმერეთში სახელმწიფო რწმუნებულის–გუბერნატორის ადმინისტრაციამ ჭუბერში დაზარალებულ მოსახლეობას ჰუმანიტარული დახმარება გაუწია. სხვადასხვა სახის არამალფუჭებადი პროდუქტები, მედიკამენტები და პირველადი საყოფაცხოვრებო ნივთები ადგილზე ჩაიტანა იმერეთის გუბერნატორის მოვალეობის შემსრულებელმა გრიგოლ დალაქიშვილმა. მოსახლეობისთვის განკუთვნილი ტვირთი ჭუბერში, ჰუმანიტარული დახმარების შტაბში განთავსდა და უახლოეს დღეებში დაურიგდება მოსახლეობას. ასევე, გრიგოლ დალაქიშვილმა, სამეგრელო–ზემო სვანეთის გუბერნატორთან ლევან შონიასთან, ვიცე–გუბერნატორთან იოსებ ხახალეიშვილთან და ქუთაისის მერთან გიორგი ჭიღვარიასთან ერთად, დაზარალებული ოჯახი მოინახულა და პროდუქტები მიუტანა. ჯულიეტა ცინდელიანის ოჯახი სტიქიის დროს ყველაზე მეტად დაზარალდა. ჭუბერში მცხოვრებ დაზარალებული ოჯახებისთვის პირველადი საყოფაცხოვრებო ნივთებისა და პროდუქტების შეგროვებაში აქტიურად იყო ჩართული იმერეთის 12–ვე მუნიციპალიტეტი. ხელისუფლების წარმომადგენლებმა დაზარალებულ ოჯახში მისასვლელად პანელის ხიდით ისარგებლეს, რომლის მშენებლობაც ახლახანს დასრულდა.