საკრებულომ ორი პროექტი განიხილა

ტყიბულის მუნიციპალიტეტის საკრებულოში რიგგარეშე სხდომა გაიმართა, რომელსაც წარმომადგენლობითი ორგანოს ხელმძღვანელი, ნატალია კობახიძე, უძღვებოდა. შეხვედრას მუნიციპალიტეტის მერი, თემურ ჩუბინიძე, პირველი მოადგილე, გიორგი ლომთაძე, დეპუტატები, თანამომხსენებლები და მაჟორიტარი დეპუტატის ბიუროს ხელმძღვანელი ესწრებოდნენ. დღის წესრიგის ორი საკითხიდან პირველი, ტყიბულის მუნიციპალიტეტის 2018 წლის პროგრამული ბიუჯეტის დამტკიცების შესახებ, 2017 წლის N43-ე დადგენილებაში ცვლილებების შეტანას შეეხებოდა, რომლის შესახებაც მერიის საფინანსო-საბიუჯეტო სამსახურის უფროსის მავალეობის შემსრულებელმა, მანული გაბრიჭიძემ, ისაუბრა. საქართველოს მთავრობის განკარგულებით ჩვენს მუნიციპალიტეტს რეგიონებში განსახორციელებელი პროექტების ფონდიდან 4 მილიონ 85 ათასი ლარი გამოეყო, რომლის ფარგლებშიც მოხდება გზების დაგება, საწირის ადმინისტრაციულ ერთეულში სასმელი წყლის მაგისტრალის მოწყობა.  ასევე, ჯვარისაში, სოჩხეთში, გურნასა და მუხურაში საბავშვო ბაღების მშენებლობა, მრავალბინიანი საცხოვრებელი კორპუსების შიდა ეზოების რეაბილიტაცია. ამ პროექტების თანადაფინანსებისათვის 200 ათასი ლარი გათვალისწინებული იყო ადგილობრივ ბიუჯეტში.

მთავრობის განკარგულებით ტყიბულის მუნიციპალიტეტს სტიქიის შედეგების სალიკვიდაციო ღონისძიებებისათვის გამოეყო 1 მილიონი ლარი, რაც პრიორიტეტების მიხედვით გადანაწილდება გზების, ხიდების, სანიაღვრე არხების, საყრდენი კედლებისა და სახურავების რეაბილიტაციისათვის. 52 ათას 800 ლარის ღირებულების პროექტის ფარგლებში მხარეთმცოდნეობის მუზეუმის რეკონსტრუქციის ჩატარებას გეგმავს რეგიონალური ინიციატივების ცენტრი „ნათელი მომავალი,“ სადაც მუნიციპალიტეტის თანადაფინანსება 12 ათას ლარს შეადგენს.

საკრებულოზე მეორე საკითხად განხილულ იქნა დადგენილების პროექტი საკრებულოს წევრის უფლებამოსილების განხორციელებასთან დაკავშირებული ხარჯების ანაზღაურების წესის დამტკიცების შესახებ.

დეპუტატებმა ორივე პროექტი კენჭისყრის შედეგად დაამტკიცეს.

ნათია მურუსიძე

32215162_1946028559041560_2784278975596199936_n 32215421_1946028579041558_455617539578265600_n 32226916_1946028649041551_5086480097356021760_n 32239548_1946028665708216_3697831455896895488_n 32239593_1946028735708209_7291058034111938560_n 32260778_1946028652374884_4531062167952162816_n 32266349_1946028605708222_7859446700325208064_n 32130516_1946028742374875_1830690854566625280_n 32157772_1946028635708219_3797115290005798912_n 32170135_1946028602374889_1526638179673702400_n 32191466_1946028725708210_2807794909384278016_n 32191532_1946028642374885_3764920223744917504_n 32191712_1946028675708215_2101856290564210688_n 32207731_1946028755708207_7294327642390528_n 32207766_1946028629041553_4044824466490916864_n

1 კომენტარი “საკრებულომ ორი პროექტი განიხილა

Добавить комментарий

Ваш адрес email не будет опубликован.