ტყიბულის მუნიციპალიტეტის პირველობა მინი-ფეხბურთში დასკვნით ეტაპზე გადავიდა.  საწირის საჯარო სკოლის სპორტულ მოედანზე ფინალური შეხვედრები ხვალ, 28 აგვისტოს, 11 საათზე, გაიმართება. III ადგილისათვის ერთმანეთს კეცხოველის „კეცხოველი" და საწირის „კურორტი" დაუპირისპირდებიან, ხოლო I და II ადგილებისათვის გამსახურდიას „ქალაქელები" და ხრესილის „ხრესილი" იბრძოლებენ.

შეგახსენებთ, რომ ტურნირს ორგანიზებას მერიის განათლების, კულტურის, სპორტის, ახალგაზრდობისა და ტურიზმის განვითარების სამსახური უწევს. თითოეული გამარჯვებული გუნდი მუნიციპალიტეტისაგან ფულადი პრიზებითა და თასებით დაჯილდოვდება.