საქართველოს ჭაბუკ ძიუდოისტთა ნაკრების წევრი, ტყიბულელი წარმატებული სპორტსმენი, ილია სულამანიძე, ევროპის ჩემპიონატზე, 90 კგ წონით კატეგორიაში, მესამე საპრიზო ადგილისა და ბრინჯაოს მედლის მფლობელი გახდა.

ევროპირველობა 28 ივნისიდან 1 ივლისის ჩათვლით ბოსნია-ჰერცოგოვინაში მიმდინარეობდა.

ილიამ სამედლო შეხვედრაში, ბრინჯაოს ფინალში, ვაზარით აჯობა ჰოლანდიელ ჰერენს და პირველ კარიერულ ევროპულ მედალს დაეუფლა.

საქართველოს ჭაბუკთა ნაკრებმა ევროპის ჩემპიონატზე 5 მედალი, მათგან,  1 ვერცხლი და 4 ბრინჯაო მოიპოვა და საერთო გუნდურ ჩათვლაში (ვაჟებს შორის) მეხუთე ადგილი დაიკავა.

ტყიბულისა და თერჯოლის მაჟორიტარი დეპუტატის, ელგუჯა გოცირიძის, სახელით, ილია სულამანიძეს სახელობითი სტიპენდია დაენიშნა.

მარი ბაბუხადია