ტყიბულის ვლ. ბოჭორიშვილის სახელობის ცენტრალურ სტადიონზე საქართველოს რაგბის კავშირის დასავლეთ საქართელოს 2018 წლის ფესტივალი გაიმართა 2008-09-10-11 წლებში დაბადებულ აღსაზრდელთა შორის. მონაწილეობდა 21 გუნდი 210 სპორტსმენით. ფესტივალის მიზანია სპორტის ამ სახეობის პოპულარიზაცია და პროპაგანდა რეგიონებში, ასევე, A და B ლიგის გუნდებისათვის პერსპექტიული მორაგბეების გამოვლენა და შერჩევა.

ღონისძიების ხელმძღვანლის, იოსებ დიაკონიძის, თქმით: „ტყიბულში რაგბის განვითარებას ადგილობრივი თვითმმართელობა განსაკუთრებულად უწყობს ხელს. სკოლას ყოფილი სსრკ-ს სამგზის ჩემპიონი და ორგზის თასის მფლობელი, ქუთაისის„ აიას“ უცვლელი კაპიტანი, როზბერტ ობოლაძე, უდგას სათავეში, რომელმაც უნარიანი მენეჯმენტით მოკლე დროში მოახერხა საფესტივალო ასაკის და მათ შორის, B ლიგის გუნდების ჩამოყალიბება.“

მიუხედავად იმისა, რომ ბავშვთა სარაგბო ფესტივალი გამარჯვებულებს არ ავლენს და სასაწავლო პროცესის ნაწილად ითვლება, ტყიბულელებმა ყველა თამაში მოიგეს. ტურნირის მონაწილე თითოეული მორაგბე, მასპინძელთა სახელით, სამახსოვრო სიგელებით დაჯილდოვდა.

ნათია მურუსიძე