მერი ინფრასტრუქტურული პროექტების მიმდინარეობას გაეცნო

  ტყიბულის მუნიციპალიტეტის მერმა, თემურ ჩუბინიძემ, სივრცითი მოწყობისა და ინფრასტრუქტურის სამსახურისა და სხვა უწყების წარმომადგენლებთან ერთად, ქალაქის მასშტაბით, უკვე დასრულებული და მიმდინარე ინფრასტრუქტურული პროექტები მოინახულა. აღნიშნულმა პირებმა მრავალბინიანი საცხოვრებელი კორპუსების ახლადრეაბილიტირებული ლიფტები დაათვალიერეს. მათი განახლება ჩვენს ქალაქში რამდენიმე წელია, მიმდინარეობს, ამ დროისათვის კი ხუთი ერთეული ლიფტი აღდგა: ახობაძის N2 (I სადარბაზო), თბილისის N4 (III სადარბაზო), გამსახურდიას N22 (II სადარბაზო), თაბუკაშვილის N14 (III სადარბაზო) და ტყვარჩელის N32 საცხოვრებელ კორპუსებში. ამისათვის რეგიონებში განსახორციელებელი პროექტების ფონდიდან 99 ათას 900 ლარი გამოიყო. სამუშაოები ტენდერში გამარჯვებულმა კომპანიამ, შ.პ.ს „ბერძელქვა 20-მა“, შეასრულა. აღსანიშნავია, რომ ამ დროისათვის ...

სრულად ნახვა

მაგიდის ჩოგბურთის შეჯიბრში N7 სკოლამ გაიმარჯვა

  მაგიდის ჩოგბურთში საქართველოს სასკოლო სპორტული ოლიმპიადის მუნიციპალური შეხვედრების ფარგლებში შეჯიბრი გაიმართა, რომელსაც სპორტის სასახლემ უმასპინძლა.    აქტივობაში ჩართულნი იყვნენ ტყიბულის N1, N4, N6, N7 და სოფლების: გელათის, ახალსოფლის, ცუცხვათის, ორპირისა და სოჩხეთის საჯარო სკოლების 13 გუნდი, 4 - გოგონების, ხოლო 9 - ვაჟების შემადგენლობით.   გამარჯვება, როგორც გოგონებში, ისე ვაჟებში,  N7 საჯარო სკოლის გუნდებმა მოიპოვეს. საპრიზო ადგილებზე კი, - შემდეგი სკოლის გუნდები გავიდნენ: ვაჟებში: II ადგილი - ცუცხვათის საჯარო სკოლა, III - N6 საჯარო სკოლა. გოგონებში: II - ორპირის საჯარო სკოლა, III - ახალსოფლის საჯარო სკოლა.   შემდეგი შეხვედრა მხიარულ სტარტებში გაიმართება.   მუნიციპალურ ...

სრულად ნახვა

დეპუტატის ქველმოქმედება თორმეტსულიანი ოჯახისათვის

  ტყიბული-თერჯოლის მაჟორიტარმა დეპუტატმა, ელგუჯა გოცირიძემ, სოფელ ჯვარისაში მცხოვრები გიორგაძეების, თორმეტსულიანი, შეჭირვებული ოჯახი, სადღესასწაულოდ საკვები პროდუქტების მარაგითა და პირადი მოხმარების ნივთებით დაასაჩუქრა, რომელიც მათ მუნიციპალიტეტის გამგებელმა, რობიზონ გვენეტაძემ, დეპუტატის ბიუროს წარმომადგენელმა და ჯანმრთელობისა და სოციალური დაცვის სამსახურის უფროსმა, 8 მარტს, შინ პირადად მიუტანეს. მარი ბაბუხადია  

სრულად ნახვა

საშობაო დღესასწაული ტყიბულელი ბავშვებისათვის

   7 იანვარს, ქრისტეშობის დღესასწაულზე, ტყიბულის მუნიციპალიტეტის მერია და კომპანია ,,ვანდერლენდი", თამარ სოხაძის ხელმძღვანელობით, პატარებს დაუვიწყარ საღამოს აჩუქებენ. ტყიბულელ ბავშვებს საახლწლო განწყობას შეუქმნიან და მათ გართობაზე იზუნებენ ანიმაციური გმირები, „სანტაკლაუსი“ და „ფიფქია“, მოსიარულე „დრამერები“, „ოჩოფეხები“,“ ჯამბაზები“, ბაჭიები, დათუნიები, პრინცესები, „პეპა გოჭი“ და „ელფები“, რომლებიც მუნიციპალიტეტის თეატრთან 15 საათიდან გამოჩნდებიან და ქალაქში პატარებთან ერთად სადღესასწაულო მსვლელობას მოაწყობენ. მოგვიანებით, მათი მონაწილეობით, ღონისძიებაც გაიმართება, რომელიც დატვირთული იქნება სხვადასხვა სანახაობით. „ჯადოსნური“ დღე ცეცხლოვანი შადრევნების, ფერადი ფანტელების, ბუშტებისა და ფოიერვერკის ფონზე დასრულდება. დასწრება თვისუფალია. გთხოვთ, მობრძანდეთ!

სრულად ნახვა

საგანგებო სხდომა იმერეთში სახელმწიფო რწმუნებულის ადმინისტრაციაში

  იმერეთში სახელმწიფო რწმუნებულმა, ზვიად შალამბერიძემ, ზესტაფონში მომხდარ უბედურ შემთხვევასთან დაკავშირებით, მუნიციპალიტეტების მერებთან და „სოკარ ჯორჯია გაზი“ - ს წარმომადგენლებთან, საგანგებო სხდომა გამართა. მხარის რწმუნებულმა შეხვედრაზე, სეზონის მოახლოებასთან ერთად, უპრეცედენტო უსაფრთხოების ზომების მიღების საჭიროებაზე ისაუბრა. მისი თქმით, აუცილებელია ყველა გაზიფიცირებული ზონის არამხოლოდ გეგმიური გადამოწმება, ასევე „სოკარ ჯორჯია გაზი“ - ს წარმომადგენლების მიერ ყველა დაკეტილი ბინის აღრიცხვა და კონტროლი. ზვიად შალამბერიძის განმარტებით, გაზის მომწოდებელი კომპანიის მიერ ამ დრომდე გატარებული ზომები არ არის საკმარისი და რისკების მინიმუმამდე დასაყვანად, კონტროლის ახალი ბერკეტების შექმნაა საჭირო. სწორედ ამ მიზნით, რწმუნებულმა მხარეებს კოორდინირებული მუშაობისკენ მოუწოდა და ...

სრულად ნახვა

მინისტრი, მაჟორიტარ დეპუტატთან ერთად, ტყიბულის ინფრასტრუქტურით დაინტერესდა

  ჩვენს ქალაქს რეგიონული განვითარებისა და ინფრასტრუქტურის მინისტრი, ზურაბ ალავიძე, ტყიბული-თერჯოლის გაერთიანებული ოლქის მაჟორიტარ დეპუტატთან, ელგუჯა გოცირიძესთან და სხვა ოფიციალურ პირებთან ერთად ეწვია. ვიზიტის ფარგლებში სამთავრობო დელეგაციამ, ადგილობრივი თვითმმართველობის ორგანოთა ხელმძღვანელობასთან ერთად, ცალკეული ობიექტები და ადგილები დაათვალიერა და მუნიციპალიტეტის ინფრასტრუქტურული და ტურისტული პოტენციალის განვითარებისათვის აუცილებელი დეტალები განიხილა. მინისტრის ინფორმაციით, უმოკლეს ვადებში, აქ მასშტაბური სარეაბილიტაციო პროცესები დაიწყება, რომლის ფარგლებშიც, „ცხრაჯვარზე,“ ცუცხვათის მღვიმესა და ახალსოფლის ტბის მიმდებარე ტერიტორიაზე, საკურორტო ზონის მოწყობა იგეგმება. ნათია მურუსიძე

სრულად ნახვა

ტყიბულის ,,ეტალონი მოსწავლე ლუკა ფორჩხიძე გახდა

ტყიბულში საქართველოს ეროვნული ინტელექტ-ჩემპიონატის, ,,ეტალონის", მეორე,  მუნიციპალური, ეტაპი გაიმართა, რომელშიც ჩვენი საჯარო სკოლებიდან 75 მოსწავლე იღებდა მონაწილეობას. აღნიშნულ კონკურსს უკვე მესამე წელია, რაც ტყიბული მასპინძლობს და მასში ჩართულობის სტატისტიკა ყოველწლიურობით მზარდია. თამაშის ავტორისა და წამყვანის, გოჩა ტყეშელაშვილის, მიერ დასმული 20 კითხვის შემდეგ რეიტინგში საუკეთესო შედეგით, 69 ქულით, N1 საჯარო სკოლის მოსწავლემ, ლუკა ფორჩხიძემ, გაიმარჯვა.  მან  ,,საქართველოს ეტალონი მოსწავლის" გამოსავლენად ფინალურ ტურზე საგზური მიიღო. ღონისძიებას ადგილობრივი თვითმმართველობისა და საგანმანათლებლო რესურსცენტრის ხელმძღვანელები, პედაგოგები, მშობლები და მოსწავლეები ესწრებოდნენ. ნათია მურუსიძე https://youtu.be/G5RN7LEuY8A

სრულად ნახვა

მნიშვნელოვანი გამარჯვება ძლიერ მეტოქესთან 

  „მეშახტე" (ტყიბული) 1:0 „ვიტ-ჯორჯია" (თბილისი)   ტყიბულის ვლადიმერ ბოჭორიშვილის სახელობის ცენტრალურ სტადიონზე მორიგი ტურის მატჩი გაიმართა, რომელიც დამსახურებულად ტყიბულელთა გამარჯვებით დასრულდა. ერთადერთი გოლი მე-16 წუთზე საჯარიმო დარტყმით გიორგი გურეშიძემ გაიტანა. ამ გამარჯვებით „მეშახტემ“ საგრძნობლად გაიუმჯობესა სატურნირო მდგომარეობა და მე-12 ადგილზე გადაინაცვლა, ამასთანავე ტყიბულელებს ერთი მატჩით ნაკლები აქვთ, რომელიც 3 დეკემბერს ტყიბულის ცენტრალურ სტადიონზე „მაჭახელას" წინააღმდეგ გაიმართება.   ვულოცავთ „მეშახტეს" ამ გამარჯვებას და ვუსურვებთ წარმატებებს!.. ბექა აშოთია

სრულად ნახვა

მოქალაქეთა საყურადღებოდ!

,,სოკარ ჯორჯია გაზი“ გაცნობებთ, რომ გაზსადენის ქსელზე მიმდინარე გეგმიური სარეაბილიტაციო სამუშაოების გამო, ა/წლის 3 ივლისს (სამშაბათს), 06:00 საათზე, ბუნებრივი გაზის მიწოდება შეუწყდება ქალაქ ტყიბულის, აგრეთვე, სოფელების - მუხურისა და საწირის მოსახლეობას. კომპანია “სოკარ ჯორჯია გაზი” შექმნილი შეფერხებისათვის ბოდიშს უხდის აბონენტებს და მოუწოდებს მათ, გამოიჩინონ სიფრთხილე და დაკეტილ მდგომარეობაში იქონიონ გაზის დანადგარების ონკანები.   მოსახლეობისთვის ბუნებრივი აირის მიწოდება, 6 ივლისს, დღის 10:00 საათიდან, ეტაპობრივად დაიწყება.

სრულად ნახვა

საზოგადოება ტყიბულის საპატიო მოქალაქეების კანდიდატურებს ასახელებს

  სახალხო დღესასწაულის, „ტყიბულქალაქობის,“ საზეიმო ვითარებაში აღნიშვნა 5 ნოემბრისთვისაა დაგეგმილი. ეს ტრადიცია ღირსეულად გრძელდება და ქალაქი ამ დღისთვის საგანგებოდ ემზადება.    ზეიმის კულმინაცია, სხვა კულტურულ ღონისძიებებთან ერთად, ამჯერადაც, საპატიო მოქალაქეების დასახელება და მათი დაჯილდოების ცერემონიალი იქნება.   ამ ღირსეული წოდების მისანიჭებლად, ღვაწლმოსილი ადამიანების კანდიდატურების შერჩევის მიზნით, საინფორმაციო ცენტრის გადამღებმა ჯგუფმა საზოგადოებრივი აზრის გამოკითხვა მოაწყო. მარი ბაბუხადია

სრულად ნახვა

პირველკლასელთა კონცერტი ხელოვნების სკოლაში

  ტყიბულის მაყვალა ქასრაშვილის სახელობის ხელოვნების სკოლაში პირველი კლასის მოსწავლეთა კონცერტი გაიმართა, რომელიც ტრადიციულად სკოლის პედაგოგს, ნინო აბესაძეს, მიჰყავდა. მან გაამხნევა პატარები, რომელთათვისაც სასცენო დებიუტი, მოჭარბებულ განცდასა და მღელვარებასთან ერთად, სასიამოვნო ემოციების მომგვრელიც იყო. ღონისძიება ყოველწლიურ ხასიათს ატარებს და მიზნად ისახავს სკოლის აღსაზრდელთა ახალი სახეების გაცნობასა და წარმოჩინებას. 23 მონაწილე საფორტეპიანო, საორკესტრო, საესტრადო და ხალხური განყოფილებებიდან იყო წარმოდგენილი. შესრულდა როგორც ქართველ, ისე უცხოელ კომპოზიტორთა კლასიკური ნაწარმოებები, ასევე, სიმღერები, სულ 27 საკონცერტო ნომერი.   პირველკლასელთა საპრეზენტაციო ღონისძიებამ აპლოდისმენტების ფონზე წარმატებულად ჩაიარა. ნათია მურუსიძე

სრულად ნახვა

სასკოლო სპორტული ოლიმპიადის მუნიციპალური ეტაპი ფრენბურთში

  საქართველოს სასკოლო სპორტული ოლიმპიადა გრძელდება. ტყიბულში მუნიციპალურ ეტაპზე შეჯიბრი, ამჯერად, ფრენბურთში მოეწყო, რომელიც N5 საჯარო სკოლის დარბაზში გაიმართა. მასში მონაწილეობდნენ, როგორც ვაჟთა, ისე გოგონათა გუნდები შვიდი საჯარო სკოლიდან, აქედან - ქალაქის N1, N2, N4, N5 და N6, ხოლო სოფლების - საწირისა და ხრესილის სკოლების წარმომადგენელები. დებულების თანახმად ჩართულობა მხოლოდ 2002-03-04 წლებში დაბადებულ მოსწავლეთათვის იყო დაშვებული. წილისყრით გამოვლენილ იქნა მოპაექრეთა ვინაობა. ასპარეზობა გოგონებმა დაიწყეს. თითოეული გუნდის შემადგენლობა 6 - ძირითადი, 6 სათადარიგო სპორტსმენითა და 1 მწვრთნელ-მასწავლებლით განისაზღვრა. შეხვედრები 15 ქულის მოგროვებამდე ორ თამაშად მიმდინარეობდა, ფრეს შემთხვევაში კი, გამარჯვებულს მესამე თამაში ...

სრულად ნახვა

ყ უ რ ა დ ღ ე ბ ა !

  საპარლამენტო არჩევნებთან დაკავშირებით პოლიტიკურ პარტიებსა თუ პოლიტიკურ სუბიექტებს შეუძლიათ, მოგვმართონ ფასიანი პოლიტიკური რეკლამის ვებგვერდზე (www.infotkibuli.ge) და გაზეთ „ტყიბულში“ განსათავსებლად.   მისამართი: კარლო ლომაძის მოედანი N3,     ტელ: 599 50 53 75

სრულად ნახვა

ინტელექტუალური თამაშის გამარჯვებული გუნდი გამოვლინდა

  ტყიბულის მუნიციპალიტეტის  თეატრის ,,ვერცხლის დარბაზში“ ინტელექტუალური თამაშის ,,რა? სად? როდის?“ ფინალური შეხვედრა გაიმართა. შეჯიბრი 29 ივლისს დაიწყო და       სულ სამ ტურს მოიცავდა. მასში 7 გუნდი იღებდა მონაწილეობას. თითოეული 5-6 მოთამაშით იყო დაკომპლექტებული, მიუხედავად ასაკისა. ლიგის ტიპის შეჯიბრის ყოველი ტური 24   შეკითხვისაგან შედგებოდა. შესაბამისად მოასპარეზეებს სულ 72 შეკითხვა დაუსვეს. სწორი პასუხი კი, 1 ქულით ფასდებოდა. ჯამური ქულებით,  გამარჯვებული  გუნდი - ,,49“-( 41   ქულა)გახდა, მეორე ადგილი - ,,ალკატრასმა-(32 ქულა)“ ხოლო მესამე კი- ,, ბოინმა“ (28 ქულა) მოიპოვეს.  ისინი მერიისაგან ფულადი პრიზებით   დაჯილდოვდებიან.   ინტელექტუალური თამაში  ,,რა? სად? როდის?“ ადგილობრივი თვითმმართველობის ...

სრულად ნახვა

კონკურსის, „საქართველოს მოხალისის, შერჩევა მიმდინარეობს

  საქართველოს განათლებისა და მეცნიერების სამინისტრო ახორციელებს მოხალისეობის განვითარების პროგრამას, - „საქართველოს მოხალისეს," რომლის მიზანია მოხალისეობის ინსტიტუტის გაძლიერება, სამოქალაქო სექტორთან თანამშრომლობა და ქვეყნის საკეთილდღეოდ, საკუთარი ნების საფუძველზე, უანგარი შრომის პოპულარიზაცია.   აღნიშნული პროგრამის ფარგლებში გამოცხადდა კონკურსი ა/წ-ის  6 ივნისიდან - 3 ივლისის ჩათვლით, 16-25 წლამდე ასაკის ახალგაზრდებს შორის, მოხალისეების შერჩევის მიზნით (მუნიციპალიტეტში შეირჩევა 2 მოხალისე).  დაინტერესების შემთხვევაში გთხოვთ, მიმართოთ ვებგვერდს, შემდეგ მისამართზე  jouth.indgo.ge მერიის განათლების, კულტურის, სპორტის, ახალგაზრდობისა და ტურიზმის განვითარების სამსახური

სრულად ნახვა

N1 ბაგა-ბაღის სრული რეაბილიტაციისათვის 783 ათასი ლარი გამოიყო

  ადგილობრივი თვითმმართველობის ინიციატივითა და მუნიციპალური განვითარების ფონდის დაკვეთით ტყიბულში, ელენე ლეშკაშელის სახელობის, N1 ბაგა-ბაღის სრული რეაბილიტაცია განხორციელდება. პროექტის ღირებულება 783 ათასი ლარია.   მუნიციპალიტეტის გამგებელი, რობიზონ გვენეტაძე, აღნიშნულ ორგანიზაციას ეწვია და ადმინისტრაციასა და აღსაზრდელთა მშობლებს ეს მნიშვნელოვანი სიახლე გააცნო.   სარეკონსტრუქციო სამუშაოები გაზაფხულზე დაიწყება და ახალ სასწავლო წელს აღნიშნული დაწესებულება თანამედროვე, ევროპული სტანდარტების შენობით შეხვდება. მარი ბაბუხადია

სრულად ნახვა

9 მაისს ომის ხუთი მონაწილე დაასაჩუქრეს

  ფაშიზმზე  გამარჯვების 73-ე წლისთავი ტყიბულში ტრადიციულად II მსოფლიო ომის გმირის, გრიგოლ გაბრიაძის, ბიუსტთან მცირე ღონისძიებით აღინიშნა. ადგილობრივი თვითმმართველობის ხელმძღვანელმა პირებმა და ასევე ღონისძიებაში ჩართულმა მოსწავლეებმა საბჭოთა კავშირის გმირის, გრიგოლ გაბრიაძის,  ბიუსტი ყვავილებით შეამკეს. ამ თარიღთან დაკავშირებით ჩვენს მუნიციპალიტეტში მცხოვრები ომის ხუთი მონაწილე  და ასევე,  გრიგოლ გაბრიაძის შვილი ადგილობრივი ბიუჯეტიდან  100-100 ლარით დაასაჩუქრეს. მათ ასევე სადღესასწაულო სასაჩუქრე კალათები მერიისა და საკრებულოს სახელით მისალოც ბარათებთან ერთად გადასცეს.  მთელი ქვეყნის მასშტაბით მეორე მსოფლიო ომის მონაწილეები საქართველოს პრემიერ-მინისტრის განკარგულებით სახელმწიფოსაგან   600-600 ლარს მიიღებენ. იმერეთში სახელმწიფო რწმუნებული-გუბერნატორის პირველმა მოადგილემ, გრიგოლ დალაქიშვილმა, სხვა წარმომადგენლებთან ერთად, მუნიციპალიტეტის მერმა, თემურ ...

სრულად ნახვა

დედის დღე მოსწავლე-ახალგაზრდობის სასახლეში

ტყიბულის მუნიციპალიტეტის მოსწავლე-ახალგაზრდობის სასახლემ საგაზაფხულოდ მორთულ სალონურ სივრცეში დედისა და 8 მარტისადმი მიძღვნილი ღონისძიება გამართა, რომელსაც სასახლის სასწავლო ნაწილის გამგე, მადონა ესებუა, უძღვებოდა. საპატიო სტუმრებად მუნიციპალიტეტის მმართველობაში მყოფი ქალბატონები და საზოგადოებრივ ცხოვრებაში აქტიურად ჩართული წარმატებული დედები შვილებთან ერთად მოიწვიეს. სადღესასწაულო განწყობას ტყიბულის მუნიციპალიტეტის მერი, თემურ ჩუბინიძე  და საკრებულოს თავმჯდომარე, ნატალია კობახიძე, შეუერთდნენ.  მოსწავლეთა სასახლის შემოქმედებითი კოლექტივებისა და სხვა მონაწილეთა ჩართულობით თბილი და სასიამოვნო ემოციების მომგვრელი საღამო შედგა. ნათია მურუსიძე https://youtu.be/0kY41th1_vo

სრულად ნახვა

ტყიბულს მალე კეთილმოწყობილი პარკი და სპორტულ-განმაჯანსაღებელი კომპლექსი ექნება

  ტყიბულში, ეკლესიის მიმდებარე ტერიტორიაზე, სპორტულ-განმაჯანსაღებელი კომპლექსისა და პარკის რეკონსტრუქცია-რეაბილიტაციის პროცესი აქტიურად ხორციელდება.  არსებული სამუშაოებით ტყიბულის მუნიციპალიტეტის მერი, თემურ ჩუბინიძე, დაინტერესდა, რომელიც საქმიანობის მიმდინარეობას ადგილზე გაეცნო.  პროექტის ფარგლებში განსაზღვრულია არსებული სკვერის ქვის ფილებით მოპირკეთება, შადრევნის რეაბილიტაცია, ხელოვნურსაფარიანი მინი მოედნის, ტრიბუნების, სველი წერტილებისა და გასახდელების მოწყობა, სპორტული ტრენაჟორებისა და ძელსკამების განთავსება.  პროექტის ღირებულება 869 988 ლარს შეადგენს. სამუშაოებს ტენდერში გამარჯვებული კომპანია ,,გლობალ სტანდარტმშენი" ახორციელებს, რომელთა დიდი ნაწილი უკვე დასრულებულია.https://youtu.be/OG-qLVYBVjg 

სრულად ნახვა

ყოველკვირეული თათბირი მერიაში

  ტყიბულის მუნიციპალიტეტის მერიის ყოველკვირეულ თათბირს მერის I მოადგილე, გიორგი ლომთაძე, უძღვებოდა. სრტუქტურული ერთეულების ხელმძღვანელებმა და ა.(ა)ი.პ.-ების დირექტორებმა, გასული კვირის განმავლობაში, მუნიციპალიტეტის მასშტაბით, განხორციელებული სამუშაოების შესახებ ანგარიშები წარმოადგინეს.   ინფრასტრუქტურული პროექტების მიმდინარეობის შესახებ აღნიშნული სამსახურის უფროსმა, ზაზა ზოსიაშვილმა, ისაუბრა. სოფლის შიდა გზების ნაწილზე ბეტონის საფარის მოწყობა, ხოლო ნაწილზე -მოსამზადებელი სამუშაოები, მიმდინარეობს. თაბუკაშვილის ქუჩაზე გზის სრული რეაბილიტაცია უკვე დაწყებულია, სადაც კილომეტრამდე არმირებული ბეტონის გზა დაიგება. მოსახლეობის თხოვნის გათვალისწინებით, სოფელ მანჭიორში, ავტობუსის მოსაცდელი დაიდგმება, რომელის კონსტრუქცია მონტაჟისათვის მზადაა. სოფელ საწირეში იუსტიციის სახლის მშენებლობა რამდენიმე დღეში დაიწყება, ხელშეკრულება კი შემსრულებელთან უკვე გაფორმებულია. მნიშვნელოვანი სიახლეა ...

სრულად ნახვა

მაისობას, ცხრაჯვარობას გილოცავთ, ძვირფასო მეგობრებო!

  ზღვის დონიდან 1569 მეტრზე, იშვიათი სილამაზითა და უნიკალური მდებარეობით, ტყიბულის თავზე აზიდულ მთაზე - ცხრაჯვარის სალოცავი მდებარეობს. ყოველი წლის მაისის ბოლო შაბათს (ძველით) ცხრაჯვარი განსაკუთრებულ სიცოცხლეს იძენს და დღესასწაულის საბაბი ხდება. წმინდა გიორგის სახელობის სალოცავი, ამ დღეს მომლოცველთა სიმრავლით ხარობს.   ლეგენდა მოგვითხრობს:   სოფრომაძეების გვარს ღვთის რისხვა დასტყდომია თავს. ახალშობილი ძე სოფრომაძეები ვერაფრით აღწევდნენ სრულწლოვან ასაკს და იღუპებოდნენ. შეძრწუნებული მოსახლეობა, ერთ დღესაც, ღია ცის ქვეშ შეკრებილა და უფლისთვის უთხოვია, ოღონდ ძე გაგვიზარდე, ჩვენ მტრედს ავაფრენთ და სადაც ის დაჯდება, იქ უფლის სადიდებლად სალოცავს ავაშენებთო… მართლაც, აუფრენიათ მტრედი უხუცეს სოფრომაძეებს, რომელიც თურმე ...

სრულად ნახვა

ჩემპიონები კუნგ-ფუში

25-26 ნოემბერს, ქ. ზესტაფონში, გაიმართა ტრადიციული „დასავლეთ საქართველოს ღია პირველობა კუნგ-ფუში.“  ტურნირის ორგანიზატორი იყო ზესტაფონის ორთაბრძოლების კლუბი „ავაზა.“ შეჯიბრი გაიმართა ადგილობრივი მუნიციპალიტეტის სპორტული ცენტრის პატრონაჟითა და „საქართველოს კუნგ-ფუს ეროვნული ფედერაციის" ეგიდით. მასში მონაწილეობდნენ ზესტაფონის, ხარაგაულის, თერჯოლის, აბაშის, რუსთავის, ტყიბულის, თბილისის გუნდები. ასევე, აზერბაიჯანის სპორტსმენები, სულ - 85 მონაწილე, ვაჟები და გოგონები. ტყიბულიდან ასპარეზობაში ჩაერთო მუნიციპალიტეტის სპორტული ცენტრის ( დირექტორი ვალერ კობახიძე)  კუნგ-ფუს გუნდი (ხელ-ბი ოლეგ ფანჩულიძე, ლაშა ცქიფურიშვილი). მათ ბრწყინვალედ იასპარეზეს და მოიპოვეს 6 - პირველი, 2 -  მეორე და 2 - მესამე ადგილები. ჩემპიონები გახდნენ: ნიკა ბუბაშვილი, საბა გელაძე, ...

სრულად ნახვა

მურმან ჯინორიასა და ლაშა ღლონტის შემოქმედებითი საღამო ტყიბულში

  ა.(ა.)ი.პ. „ტყიბულის მუნიციპალიტეტის კულტურის ობიექტების გაერთიანების“ ინიციატივითა და ორგანიზებით თეატრის სცენამ მურმან ჯინორიასა და ლაშა ღლონტის შემოქმედებით საღამოს უმასპინძლა. ქართული პოეტური სიტყვითა და მუსიკის სინთეზით შეჯერებული პროგრამით მათ უკვე ანშლაგებით მოიარეს არა მარტო მთელი საქართველო, არამედ საგასტროლო ტურნეები ა.შ.შ-სა და ევროპის ქვეყნებშიც გამართეს. ტყიბულელი მსმენელი განსაკუთრებული სიყვარულითა და სითბოთი შეხვდა პოპულარული ლირიული სიმღერების შემსრულებელსა და რუსთაველის თეატრის ტიტულოვან მსახიობს. ლაშა ღლონტმა ყველასათვის ცნობილი, ქართული საესტრადო სიმღერები ცოცხლად შესთავაზა პუბლიკას. მათი უმრავლესობა მამუკა ჩარკვიანისა და დავით არჩვაძის ავტორობითაა. მუსიკოსმა გაიხსენა თითოეულ კომპოზიციასთან დაკავშირებული საინტერესო ეპიზოდები. პროფესიით ექიმისათვის არც თუ დიდი ხანია, ...

სრულად ნახვა

გრანდიოზული პროექტის, ორპირი-ცუცხვათის გზის, რეაბილიტაცია დაიწყო

  ორპირი-ცუცხვათი-მღვიმის მიმართულებით 10 კილომეტრიანი არმირებული ბეტონისსაფარიანი გზის დაგება დაიწყო. ავტობანის სტანდარტების მქონე პროექტზე სამუშაოებს ტენდერში გამარჯვებული მსხვილი კომპანია, „ყაზახდორსტროი,“ აწარმოებს. ადგილობრივების მრავალწლიანი პრობლემა, გზის საფარის მოუწესრიგებლობასთან დაკავშირებით, ტყიბულის მაჟორიტარი დეპუტატის, ელისო ჩაფიძის, ინიციატივითა და უშუალო ჩართულობით, დადებითად გადაწყდა და სათანადო რეაგირება მოჰყვა - ორპირი-ცუცხვათის საავტომობილო გზის რეაბილიტაციისათვის 8 მილიონ 300 ათასი ლარი გამოიყო.   ტყიბულის მუნიციპალიტეტის გამგებელი, რობიზონ გვენეტაძე, მოადგილესთან ერთად, პროექტის დეტალების გასაცნობად ადგილზე ჩავიდა და კონტრაქტორებს გაესაუბრა. ნათია მურუსიძე

სრულად ნახვა

სუპერ ლიგის თამაშს კალათბურთში სპორტის სასახლემ უმასპინძლა

ტყიბულის სპორტის სასახლემ საქართველოს ეროვნული საკალათბურთო ჩემპიონატის სუპერ ლიგის,  წინა ჯგუფური ეტაპის,  ბოლო მატჩს უმასპინძლა, სადაც ერთმანეთს ქუთაისის ,,ქუთაისი" და მარნეულის ,,დელტა" დაუპირისპირდნენ. ღონისძიებას ორგანიზება იმერეთის კალათბურთის ფედერაციამ გაუწია. ამავე დღეს ტყიბულელი წარმატებული  სპორტსმენები დააჯილდოვეს. იმერეთის ჩემპიონატზე მოასპარეზე ჩვენი ქალაქის გუნდის საუკეთესო მოამაშეებს გიორგი კობახიძესა  და თორნიკე ცირეკიძეს ოლიმპიურმა კომიტეტმა წამახალისებელი პრიზები გადასცა. როგორც საქართველოს კალათბურთის ეროვნული ფედერაციის პრეზიდენტმა,  პაატა გურასპაულმა,  აღნიშნა,  ტყიბულის სპორტის სასახლე,  თავისი მასშტაბებიდან გამომდინარე, მომავალში, როგორც სუპერ ლიგის თამაშებით,  ასევე,  სხვადასხვა ტურნირებითა და შეკრებებით დაიტვირთება. ნათია მურუსიძე https://youtu.be/HOEDA6Xi9SA

სრულად ნახვა

საზეიმო კონცერტი თერჯოლაში ელგუჯა გოცირიძის გამარჯვებას მიეძღვნა

  თერჯოლის მუნიციპალიტეტის ცენტრში, ღია ცის ქვეშ, პოპულარული ქართველი მომღერლების მონაწილეობით, საზეიმო კონცერტი გაიმართა, რომელიც „ქართული ოცნების“ მაჟორიტარი დეპუტატობის კანდიდატის, ელგუჯა გოცირიძის, გამარჯვებას მიეძღვნა.   ღონისძიება ხალხმრავლობით გამოირჩეოდა და მაყურებელთა შორის ახალგაზრდები ჭარბობდნენ. ორსაათიანი პროგრამა ელექტრონული მუსიკის თანხლებით გვიანობამდე გაგრძელდა. ნათია მურუსიძე

სრულად ნახვა

მესაკუთრემ N2 სკოლას შენობა უსასყიდლოდ დაუთმო

ტყიბულის მუნიციპალიტეტის კომუნალური გართიანება სამი დღის განმავლობაში ყოფილი N3 საჯარო სკოლის მიმდებარე ტერიტორიაზე დასუფთავების სამუშაოებს ახორციელებს. სამსახურის თანამშრომლები, სპეცტექნიკის დახმარებით, შენობის ირგვლივ გარემოს საყოფაცხოვრებო ნარჩენებისა და დალექილი მიწის შრისაგან წმენდენ. პრობლემა, რომელიც N2 საჯარო სკოლაში სარეაბილიტაციო ღონისძიებებმა წარმოშვა, დღეისათვის გადაჭრილია. კერძო მესაკუთრემ  სასწავლო დაწესებულებას ყოფილი N3 სკოლის ფართი უსასყიდლოდ გადასცა. პედაგოგები და მშობლები საგანმანათლებლო პროცესის დაწყებისათვის მხოლოდ განათლებისა და მეცნიერების სამინისტროს ნებართვას ელოდებიან. ნათია მურუსიძე https://youtu.be/m7Rmibjfgus  

სრულად ნახვა

მხარეთმცოდნეობის მუზეუმის რეაბილიტაცია მიმდინარეობს

  ტყიბულის მხარეთმცოდნეობის მუზეუმში დღეისათვის, უკვე დასრულებულ და ამჟამად მიმდინარე სარეაბილიტაციო სამუშაოებზე მუნიციპალიტეტის მერმა, თემურ ჩუბინიძემ, მერის I-მა მოადგილემ, გიორგი ლომთაძემ და არასამთავრობო ორგანიზაცია „რეგიონალური ინიციატივების ცენტრის“ ხელმძღვანელმა, მარიკა ვაჭარაძემ, მონიტორინგი განახორციელეს.   პროექტს არასამთავრობო ორგანიზაცია „რეგიონალური ინიციატივების ცენტრი - ნათელი მომავალი,“ მსოფლიო ბანკის, „ელკანასა“ და ადგილობრივი თვითმმართველობის ფინანსური მხარდაჭერით ახორციელებს, რისთვისაც 60 ათასამდე ლარი იხარჯება. მთლიანად შეიცვალა მუზეუმის სახურავი, მეორე სართულზე საგამოფენო სივრცის სამ დარბაზში მოეწყო ჭერი და გაკეთდა ახალი ელექტრო გაყვანილობა. აქ ასევე მოხდება წინა ფასადის ოცივე ფანჯრის მეტალო-პლასტმასის ფანჯრებით ჩანაცვლება. მარი ბაბუხადია https://youtu.be/UCxTBmBGGpo

სრულად ნახვა

„არაჩვეულებრივი გამოფენა“ მოსწავლეთა სასახლეში

   შოთა რუსთაველის სახელობის მოსწავლე-ახალგაზრდობის სასახლეში ფოტო-კინო ხელოვნების წრის (ხელმძღვანელი - დიანა ტურძილაძე) ინიციატივით ფოტოების გამოფენა, სახელწოდებით „არაჩვეულებრივი გამოფენა“ მოეწყო. წლის შემაჯამებელი ღონისძიება მიზნად ისახავდა ავტორთა ხედვისა და წარმოსახვის წარმოჩინებასა და დამთვალიერებლისათვის გაცნობას. თავისუფალი თემით აქ 8 მონაწილის 20-მდე მრავალფეროვანი ნამუშევარი საინტერესოდ იქნა წარმოდგენილი. მათ შორის: პორტრეტები, ავტოპორტრეტები, ჩვენი ქალაქის ხედები, მომენტალურად დაჭერილი კადრები თუ სხვა.   გამოფენაში მონაწილეობდნენ მოსწავლეები: ანამარია ბოჭორიშვილი, ლიზი რობაქიძე, ნინი ბოჭორიშვილი, ნინი კობახიძე, ნინი მიქიაშვილი, ნინი კაკუშაძე, ნინი ხუხუნი, თეკლა გიორგაძე.   ფოტო-კინო ხელოვნების წრე სასახლეში უკვე 3 წელია, ფუნქციონირებს და მოსწავლეებს ვიზუალური ხელოვნების უკეთ გაცნობაში ...

სრულად ნახვა

882 - კოვიდინფიცირებული, 717 კი - გამოჯანმრთელებული პირი ტყიბულში

  საყოველთაო პანდემიის რეჟიმში მყოფი ჩვენი ქვეყნის ინფიცირების მაჩვენებელი დღევანდელი განახლებული მონაცემებით 3064 კოვიდდადებით შემთხვევას აღრიცხავს, აქედან 25 - ტყიბულის მუნიციპალიტეტზე მოდის. შესაბამისად, ჩვენთან აქამდე გამოვლენილი დაავადებულების საერთო რიცხვი 882-ს შეადგენს, მათგან 717 პირი უკვე გამოჯანმრთელებულია. ამჟამად თვითიზოლაციაში 329 ადამიანი იმყოფება. საბედნიეროდ, გარდაცვალების ფაქტი მიმდინარე კვირაში არ დაფიქსირებულა.   როგორც მერიის საზოგადოებრივი ჯანდაცვის სამსახურის ხელმძღვანელი, მადონა ქასრაძე, აცხადებს, მუნიციპალიტეტში ეპიდვითარება მართვადია, დაავადების  შემთხვევათა დიდი ნაწილი მსუბუქი სიმპტომებით მიმდინარეობს. ძირითადად გვხვდება ოჯახური კერები. გრძელდება რანდომული კვლევები პედაგოგებს, სახანძრო-სამაშველოს, პოლიციისა და შსს-ს თანამშრომელთა შორის, რითაც შესაძლებელი გახდა გამოვლენილიყო უსიმპტომოდ მიმდინარე დაინფიცირების ცალკეული შემთხვევები.   ...

სრულად ნახვა

მადლობა იმერეთის გუბერნატორსა და ტყიბულის გამგებელს

   ჩვენს რედაქციაში სამადლობელი წერილი მოვიდა.   ტყიბულის საპატიო მოქალაქე, ქართველი საოპერო მომღერალი (სოპრანო), მსოფლიოში აღიარებული პრიმადონა, საბჭოთა კავშირისა და საქართველოს სახალხო არტისტი, რუსეთის საბჭოთა ფედერაციული სოციალისტური რესპუბლიკის სახელმწიფო პრემიის ლაურეატი, ლიტერატურისა და ხელოვნების დარგში, ზ. ფალიაშვილის სახელობის საქართველოს სსრ-ს სახელმწიფო პრემიის ლაურეატი, მაყვალა ქასრაშვილი, მადლობას უხდის სახელმწიფო რწმუნებულს იმერეთის მხარეში, გივი ჭიჭინაძესა და ტყიბულის მუნიციპალიტეტის გამგებელს, რობიზონ გვენეტაძეს, რომელსაც ხელნაწერის სახით გთავაზობთ.   აღსანიშნავია, რომ ქალბატონი მაყვალა, თითქმის ორი ათეული წელია მოსკოვის დიდი თეატრის საოპერო დასის სამხატვრო ხელმძღვანელია. აქვს ფართო საშემსრულებლო დიაპაზონი. მას უმღერია მსოფლიოს უამრავ თეატრში.

სრულად ნახვა

GIG-ი თბოსადგურის მშენებლობას ახალ ლოკაციაზე იწყებს

  „საქართველოს ინდუსტრიული ჯგუფი” (GIG) ქვანახშირზე მომუშავე თბოსადგურის მშენებლობას ახალ ლოკაციაზე დაიწყებს. როგორც საინფორმაციო სააგენტო წერს, ობიექტის დადგმული სიმძლავრე 150 – 300 მვტ იქნება. ახალი ენერგეტიკული ობიექტი ტყიბულში მოპოვებულ ქვანახშირზე იმუშავებს. სააგენტო წერს, რომ შეთანხმება მთავრობის დადგენილების საფუძველზე უკვე გაფორმდა. პროექტს ჯგუფის შვილობილი შპს „ტყიბული 150“ განახორციელებს. პროექტის განხორციელებისთვის უკვე მიმდინარეობს ეკონომიკის სამინისტროსთან შეთანხმებული მოსამზადებელი სამუშაოები. მშენებლობის დაწყება 30 სექტემბერს იგეგმება. ქვანახშირზე მომუშავე თბოსადგურის მშენებლობის ალტერნატიულ ლოკაციაზე დაწყება, მას შემდეგ გადაწყდა რაც კომპანიამ გაითვალისწინა ჩატარებული გეოლოგიური და ეკოლოგიური კვლევების შედეგები. მიღებული დასკვნის საფუძველზე მიზანშეწონილად ჩაითვალა თბოსადგურის, რომლის მშენებლობაც თავდაპირველად ტყიბულში იგეგმებოდა, გარდაბნის მუნიციპალიტეტში აშენება.

სრულად ნახვა

ბზობა ტყიბულის წმინდა გიორგის სახელობის ტაძარში

1 აპრილს სრულიად მართლმადიდებლურმა სამყარომ ბზობის ანუ ბაიაობის დღესასწაული იზეიმა. ბზობას მაცხოვრის იერუსალიმში დიდებით შესვლას აღნიშნავენ. ეს გახლავთ ათთტორმეტთაგან რიგით პირველი მოძრავი დღესასწაული, რომელიც ყოველთვის ბრწინვალე აღდგომის წინა კვირა დღეს ემთხვევა. ამ დღეს ტყიბულის წმინდა გიორგის სახელობის ტაძარში ღვთისმსახურება ტყიბულისა და თერჯოლის მიტროპოლიტმა მეუფე გიორგი(შალამბერიძემ) ეკლესიის წინამძღვართან, დეკანოზ, მამა იოანესთან  ერთად აღავლინა. ეპარქიის წინამძღოლმა დალოცა, აკურთხა, ბზობის დღესასწაული მიულოცა და სარწმუნოებაში გაძლიერება უსურვა ტყიბულის მრევლს. https://www.youtube.com/watch?v=SLtrC4ygdBU&feature=youtu.be

სრულად ნახვა

ემიგრანტების საჩუქრები მეშახტეთა შვილებს

  ტყიბულის შახტში 2006 წლიდან დაღუპულ და დაშავებულ, ასევე, ტყიბულში დარეგისტრირებულ მრავალშვილიან მეშახტეთა არასრულწლოვანი შვილები და ოჯახები წინასაახალწლოდ დაასაჩუქრეს. აღნიშნულ პირებს სადღესასწაულო განწყობის შექმნისა და მათ მიმართ სიყვარულის, პატივისცემისა და თანადგომის გამოხატვის მიზნით ამერიკაში მცხოვრები ქართველი ემიგრანტებისაგან ფულადი თანხა და საახალწლო ნუგბარი გადაეცათ. აქტივობა მათივე დაფინანსებით, მათთან ერთად საქველმოქმედო ფონდ ,,დედის ხელების“ ინიციატივითა და ორგანიზებით განხორციელდა.   ღონისძიება მაყვალა ქასრაშვილის სახელობის ხელოვნების სკოლაში გაიმართა, საკონცერტო დარბაზში ბავშვებს დასაჩუქრებამდე მცირე საკონცერტო პროგრამაც წარმოუდგინეს. მასში, ათამდე ნომრით, ჩართულნი იყვნენ სხვადასხვა განყოფილების მოსწავლეები. მათ მხიარული სიმღერებით, ხალხურ საკრავებსა და სხვა ინსტრუმენტებზე შესრულებით, როიალზე აჟღერებული მუსიკალური ...

სრულად ნახვა

განათლების მინისტრმა „ბოლო ზარი“ კურსდამთავრებულებს ტყიბულიდან მიულოცა

  დღეს ჩვენს მუნიციპალიტეტს საკანონმდებლო და აღმასრულებელი ხელისუფლების წარმომადგენლობითი დელეგაცია ესტუმრა. აღნიშნული ვიზიტი ტყიბულისა და თერჯოლის გაერთიანებული ოლქის მაჟორიტარი დეპუტატის, ელგუჯა გოცირიძის, ინიციატივით შედგა. სასწავლო წლის დამთავრებასთან დაკავშირებით საქართველოს განათლების, მეცნიერების, კულტურისა და სპორტის მინისტრი, მიხეილ ბატიაშვილი, ტყიბულისა და თერჯოლის საჯარო სკოლების დამსახურებულ პედაგოგებსა და წარჩინებულ მოსწავლეებს შეხვდა და განათლების რეფორმის თაობაზე ესაუბრა. მან ჩვენი ქალაქიდან მიულოცა მთელი საქართველოს კურსდამთავრებულებს „ბოლო ზარი“.   ღონისძიებას საქართველოს პარლამენტის განათლების, მეცნიერებისა და კულტურის კომიტეტის თავმჯდომარე, მარიამ ჯაში, რეგიონული განვითარების საკითხებში პრემიერ-მინისტრის მრჩეველი, სოზარ სუბარი, იმერეთში სახელმწიფო რწმუნებულ-გუბერნატორის მოვალეობის შემსრულებელი, ზვიად შალამბერიძე, ტყიბულისა და თერჯოლის გაერთიანებული ...

სრულად ნახვა

„ანა-ბანას“ ჯადოსნური სიზმარი

  ტყიბულის მოსწავლე-ახალგაზრდობის სასახლის ბავშვთა გაერთიანება „ანა-ბანამ“ მაყურებელი „ჯადოსნური სიზმრის ქვეყანაში“ ამოგზაურა. ორთვენახევრიანი ნამუშევარი სტუდიის ხელმძღვანელმა, ელისო დონაძემ, თავის აღსაზრდელებთან ერთად, ზღაპრად გადმოცემული მიუზიკლის სახით წარმოადგინა. 20-მდე მუსიკალური ნომერი ბავშვებისათვის საყვარელმა პერსონაჟებმა - „ფიფქიამ“ და „ჯუჯებმა,“ „წითელქუდამ“ და მგელმა, „ნაცარქექიამ,“ კატა ,,წკიპიტომ“ და „მაუსებმა,“ „სპანჩბობმა,“ „დროის უფლისწულმა“ განასახიერეს.  საოცრად ფერადი, ლამაზი და მხიარული კოსტიუმირებული სანახაობა კლოუნებმა, ჯადოსნურმა ვეფხვმა და ირმების მარხილიანმა თოვლის ბაბუამ გაახალისეს. პატარებთან ერთდ სცენაზე მათი მშობლებიც დადგნენ და  თავიანთი ჩართულობით განსხვავებული ელფერი შეიტანეს პროგრამაში.    აღსანიშნავია, რომ „ანა-ბანა“ 18-მდე აღსაზრდელს აერთიანებს. ყველაზე პატარა - 4 წლის ასაკისაა. კონცერტზე ...

სრულად ნახვა

„ჯი-აი-ჯის“ ფინანსურმა დირექტორმა მეშახტეების მოთხოვნას უარი უთხრა

  მინდელის სახელობის შახტის ადმინისტრაციულ შენობაში „ჯი-აი-ჯი ჯგუფის“ ფინანსურ დირექტორს, ზურაბ გელენიძესა და საგაფიცვო კომიტეტის წევრებს შორის დახურული შეხვედრა შედგა. მოლაპარაკება უშედეგოდ დამთავრდა. მეშახტეებს განუცხადეს, რომ დამსაქმებელი კომპანია დასაქმებულთა ხელფასების გაზრდას ვერ უზრუნველჰყოფს, სხვა მოთხოვნები კი ეტაპობრივად დაკმაყოფილდება. მარი ბაბუხადია

სრულად ნახვა

ალექსანდრე ბასილაიასადმი მიძღვნილი საქველმოქმედო საღამო

  შემოქმედებითი კავშირის „გარასა“ და ტყიბულის მუნიციპალიტეტის გამგეობის თანაორგანიზებით ჩვენს ქალაქში ლეგენდარული ქართველი კომპოზიტორის, ალექსანდრე ბასილაიას, 75 წლის იუბილისადმი მიძღვნილი ღონისძიება გაიმართა, რომელსაც თეატრის სცენამ უმასპინძლა. პროექტი სახელწოდებით - „სინათლე ჩვენს ფანჯრებში“ საქველმოქმედო ხასიათს ატარებდა, რაშიც აქტიურად იყო ჩართული კერძო სექტორიც. შემოსული თანხა ალექსანდრე ბასილაიას ოჯახს გადაეცემა, ქართულ კულტურაში შეტანილი უდიდესი ღვაწლისათვის, ასევე, ნაწილი თანხა მოხმარდება ტყიბულში, გამსახურდიას ქუჩაზე, მშენებარე მისი სახელობის სკვერის კეთილმოწყობას.   კონცერტი, რომელიც ტყიბულელი მაყურებლისათვის დაიგეგმა ცნობილმა შემსრულებელმა და კომპოზიტორმა, დავით ევგენიძემ, პოპულარულ ბენდთან, ლევან კემულარიას „ჯაზ-კვინტეტთან,“ ერთად გამართა. ნათია მურუსიძე

სრულად ნახვა

თათბირი მერიაში

  ადგილობრივი თვითმმართველობის ადმინისტრაციული შენობის სააქტო დარბაზში გამართულ ყოველკვირეულ თათბირს მუნიციპალიტეტის მერი, თემურ ჩუბინიძე, უძღვებოდა. მას მერის მოადგილე, სოფიო ბოჭორიშვილი, საკრებულოს წევრები, სამსახურების, ორგანიზაციებისა და ა.ა.(ი).პ-ების ხელმძღვანელები, ადმინისტრაციული ერთეულებისა და მაჟორიტარი დეპუტატის ბიუროს წარმომადგენლები ესწრებოდნენ.   მათ წუთიერი დუმილით პატივი მიაგეს ახლახანს ტყიბულში, ქვანახშირის ღია მოპოვების კარიერზე, ტრაგიკულად დაღუპულ, სანდრო ბუცხრიკიძისა და რეზო ლომთაძის ხსოვნას. სხდომაზე შესრულებულ მიმდინარე და დაგეგმილ აქტივობებსა და მათთან დაკავშირებულ სამუშაოებზე იმსჯელეს. მარი ბაბუხადია https://youtu.be/pEDyfj-IAm4

სრულად ნახვა

ტყიბულში ეპიდვითარება სტაბილურია

   საქართველოში ბოლო 24 საათში კოვიდინფექციით დაავადებულ პირთა რიცხვმა 2616 შეადგინა. აღნიშნულის ფონზე ტყიბულის მუნიციპალიტეტში არსებული ეპიდვითარება სტაბილურია.

ილია სულამანიძეს მშობლიურ ქალაქში საზეიმოდ დახვდნენ

  ტყიბულელ ფალავანს, მსოფლიო ჩემპიონატის ბრინჯაოს მედლის პრიზიორს, ილია სულამანიძეს, მშობლიურ ქალაქში დაბრუნებისას საზეიმო დახვედრა მოუწყვეს.

ანსამბლ „ოკრიბის“ ხელმძღვანელი 80 წლისაა

  ტყიბულის მუნიციპალიტეტის თეატრის დარბაზმა, ხანგრძლივი პანდემიური პაუზის შემდეგ, საიუბილეო საკონცერტო საღამოზე მისულ მაყურებელს უმასპინძლა.

ტყიბულში ფასადების რეაბილიტაცია აქტიურად მიმდინარეობს

  ქალაქის იერსახის მოწესრიგების მიზნით, ტყიბულში მრავალბინიანი საცხოვრებელი სახლების ფასადების სარეაბილიტაციო სამუშაოები აქტიურად მიმდინარეობს.

ტყიბულში ორი სკვერის რეაბილიტაცია მიმდინარეობს

  პროექტის, ,,ადგილობრივი პარტნიორობა იმერეთის მეორე დონის პოსტ-ინდუსტრიული ქალაქების რევიტალიზაციისთვის,“ ფარგლებში, ტყიბულში რეკრეაციული ზონების განახლება მიმდინარეობს, რომელიც გამსახურდიას ქუჩაზე ორი სკვერის რეაბილიტაციას გულისხმობს.

პრემიერა „თეატრალურ იმერეთზე“ და ტყიბულელი მაყურებლისათვის

  ტყიბულის მუნიციპალიტეტის კულტურის ობიექტების გაერთიანების მუნიციპალურმა თეატრმა, საერთაშორისო ფესტივალზე „თეატრალური იმერეთი 2021“ სპექტაკლის ,,დედის დღე“ პრემიერა წარმოადგინა.

კურსდამთავრებულთა ნამუშევრების გამოფენა სამხატვრო სკოლაში

        კულტურის ობიექტების გაერთიანების სამხატვრო სკოლამ კურსდამთავრებულთა  ნამუშევრების გამოფენა მოაწყო.