ფაშიზმზე გამარჯვების დღე ტყიბულშიც აღინიშნა

  74-ე წელი ფაშიზმზე გამარჯვებიდან, პოსტსაბჭოთა ქვეყნებთან ერთად, საქართველოშიც აღინიშნა. ტყიბულის მუნიციპალიტეტში 9 მაისი ადგილობრივი თვითმმართლობის ხელმძღვანელებმა მეორე მსოფლიო ომის ვეტერანებს პირადად მიულოცეს. სამწუხაროდ, ამ ღირსეულ ადამიანთა რიცხვი ყოველწლიურად მცირდება და წლევანდელ დღესასწაულს ჩვენს მუნიციპალიტეტში მხოლოდ ოთხი მათგანი შეხვდა: ელენა გველესიანი, პლატონ სარალიძე, შაქრო ჭოხონელიძე და შოთა აშოთია. მათ შორის, უხუცესი ბ-ნი შოთა, უკვე 96 წლისაა. მერი, თემურ ჩუბინიძე და საკრებულოს თავმჯდომარე, ნატალია კობახიძე, ომის მონაწილეთ საკუთარ ოჯახებში ეწვივნენ და მუნიციპალიტეტის სახელით ხილისა და ტკბილეულის სასაჩუქრე კალათები გადასცეს, 100 ლარიან ფულად ჯილდოსთან ერთად და მადლობა გადაუხადეს სამშობლოს წინაშე გაწეული ღვაწლისათვის. საჩუქარი ...

სრულად ნახვა

თემურ აბულაძეს გამოსათხოვარი

  ელვის სისწრაფით გავრცელდა ხმა ქალაქში ერთი პატიოსანი, ზნემაღალი, წესიერი, ადამიანური თვისებებით გამორჩეული პიროვნების ტრაგიკულად გარდაცვალების შესახებ. თემურ აბულაძე იმ ადამიანთა რიცხვს მიეკუთვნებოდა, რომელიც მუდამ მუხლჩაუხრელად, უპრეტენზიოდ, მაღალი ზნეობით ემსახურებოდა საყვარელ პროფესიას. ბედისწერა ვერ ხსნის სიკვდილ-სიცოცხლის საიდუმლოს. ადამიანის გონება ვერ სწვდება უფლის განგებულებას, თუ სად მთავრდება სიცოცხლე და სად გრძელდება მარადიულობის არსობა. დააკლდა ქალაქს კარგი მოქალაქე. ოჯახმა დაჰკარგა მზრუნველი და მოსიყვარულე შვილი, ძმა, მამა და მეუღლე, სამეგობრომ _ საიმედო მეგობარი. მსუბუქი იყოს თქვენთვის მშობლიური კუთხის მიწა. სულის მარადისობაში დასავანებლად ჩაუქრობელ ლამპრად ენთოს მარადის უფლის გზისაკენ მანათობელი წმინდა სანთლები. გაზეთის ,,ტყიბულის” რედაქცია

სრულად ნახვა

„რუსთაველი ჩვენს სასახლეში“ . . .

  „რუსთაველი ჩვენს სასახლეში“ - ამ სახელწოდების ფესტივალი გაიმართა ტყიბულში, რომელიც დიდი შემოქმედის, შოთა რუსთაველის 850 წლისთავს მიეძღვნა.   ღონისძიებაში ქალაქისა და სოფლების საჯარო სკოლების მოსწავლეები მონაწილეობდნენ, რომელთაც სპეციალურად მოწვეული ჟიური აფასებდა. კონკურსანტები ერთმანეთს მხატვრულ კითხვაში, ასევე ხელნაწერებისა და ნახატების შექმნაში ეჯიბრებოდნენ. საუკეთესო ავტორები ჟიურის წევრებმა სიგელებითა და დიპლომებით დააჯილდოვეს. ნათია მურუსიძე

სრულად ნახვა

საკრებულოს რიგგარეშე სხდომა

  ტყიბულის მუნიციპალიტის საკრებულოში რიგგარეშე სხდომა გაიმართა, რომელსაც წარმომადგენლობითი ორგანოს თავმჯდომარის მოადგილე, დავით კუბლაშვილი, უძღვებოდა. შეხვედრას მუნიციპალიტეტის მერი, თემურ ჩუბინიძე, მერის I მოადილე, გიორგი ლომთაძე და დეპუტატები ესწრებოდნენ. დღის წესრიგით 3 საკითხი იქნა განხილული. განკარგულების ორი პროექტი 2018 წლის 28 ოქტომბრის საქართველოს პრეზიდენტის არჩევნებთან დაკავშირებით, მუნიციპალიტეტის ადმინისტრაციულ საზღვრებში, სააგიტაციო მასალის განთავსებისათვის სპეციალური ადგილების გამოყოფასა და, საარჩევნო ღონისძიებების გამართვის მიზნით, საარჩევნო სუბიექტებზე შენობა-ნაგებობების უსასყიდლოდ გამოყოფას შეეხებოდა. საარჩევნო მასალის გაკვრა ნებადართულია საერთო სარგებლობის შენობა-ნეგებობებზე, რომელთა ჩამონათვალიც განსაზღვრულია. რაც შეეხება ღონისძიების გამართვას, ამისათვის პარტიებს ტყიბულის კულტურის ცენტრისა და მოსწავლე-ახალგაზრდობის სასახლის შენობებით სარგებლობა შეეძლებათ.   ...

სრულად ნახვა

ყურადღება, ვაცხადებთ კონკურსს „წარმოაჩინე შენი კარმიდამო!“

ტყიბული-თერჯოლის გაერთიანებული ოლქის მაჟორიტარი დეპუტატის ელგუჯა გოცირიძის ინიციატივით ტყიბულის მუნიციპალიტეტის მერია აცხადებს კონკურსს ტყიბულის მუნიციპალიტეტში საუკეთესო იმერული ეზოს გამოსავლენად! კონკურსის პირობების თანახმად, თითოეული მონაწილე თავისუფალია საკუთარი კარმიდამოს წარმოჩენის ინტერპრეტირებაში. თუმცა, კონკურსის ორგანიზატორები მიესალმებიან ორიგინალურ მიდგომებსა და განსხვავებულ ხედვებს. კარმიდამო უნდა გამოირჩეოდეს ესთეტიკური სილამაზით, წარმოადგენდეს საცხოვრებელი, სამეურნეო შენობების, ეზოსა და სხვა საყოფაცხოვრებო ინფრასტრუქტურის კარგად შეხამებულ ნაზავს. უპირატესობა მიენიჭება იმერულ, ადგილობრივი გარემოსათვის დამახასიათებელ სახლ-კარსა და ეზო-მიდამოს. კონკურსში მონაწილეობის მიღება შეუძლიათ ტყიბულის მუნიციპალიტეტის ტერიტორიაზე მცხოვრებ ფიზიკურ პირებს. ასევე, - ბინათმესაკუთრეთა  ამხანაგობებს. კონკურსის შესახებ დეტალური ინფორმაციის გავრცელების მიზნით დაიბეჭდება საინფორმაციო პლაკატები, რომლებიც გაიკვრება მუნიციპალიტეტის ყველა სოფელში, პარალელურად ...

სრულად ნახვა

მეშახტის დღე სახალხო ზეიმად იქცა

  იმერეთის გუბერნატორმა, გივი ჭიჭინაძემ, საქართველოს ინდუსტრიული ჯგუფის გენერალურმა დირექტორმა, ლევან ჭოლაძემ და მუნიციპალიტეტის ადგილობრივმა ხელმძღვანელობამ სახელმწიფო უმაღლესი ჯილდო, ღირსების ორდენები და მედლები ხუთ გამორჩეულ და წარმატებულ მეშახტეს გადასცეს. მეშახტის დღე სახელმწიფო ანსამბლის „ერისიონის“ გრანდიოზული კონცერტით დასრულდა. ნათია მურუსიძე

სრულად ნახვა

„ანა-ბანას“ ჯადოსნური სიზმარი

  ტყიბულის მოსწავლე-ახალგაზრდობის სასახლის ბავშვთა გაერთიანება „ანა-ბანამ“ მაყურებელი „ჯადოსნური სიზმრის ქვეყანაში“ ამოგზაურა. ორთვენახევრიანი ნამუშევარი სტუდიის ხელმძღვანელმა, ელისო დონაძემ, თავის აღსაზრდელებთან ერთად, ზღაპრად გადმოცემული მიუზიკლის სახით წარმოადგინა. 20-მდე მუსიკალური ნომერი ბავშვებისათვის საყვარელმა პერსონაჟებმა - „ფიფქიამ“ და „ჯუჯებმა,“ „წითელქუდამ“ და მგელმა, „ნაცარქექიამ,“ კატა ,,წკიპიტომ“ და „მაუსებმა,“ „სპანჩბობმა,“ „დროის უფლისწულმა“ განასახიერეს.  საოცრად ფერადი, ლამაზი და მხიარული კოსტიუმირებული სანახაობა კლოუნებმა, ჯადოსნურმა ვეფხვმა და ირმების მარხილიანმა თოვლის ბაბუამ გაახალისეს. პატარებთან ერთდ სცენაზე მათი მშობლებიც დადგნენ და  თავიანთი ჩართულობით განსხვავებული ელფერი შეიტანეს პროგრამაში.    აღსანიშნავია, რომ „ანა-ბანა“ 18-მდე აღსაზრდელს აერთიანებს. ყველაზე პატარა - 4 წლის ასაკისაა. კონცერტზე ...

სრულად ნახვა

სოცსააგენტოს სამხარეო წარმომადგენლების შეხვედრა გამგეობაში

  სოციალური მომსახურების სააგენტოს იმერეთის სამხარეო ცენტრის უფროსი, ნინო ჭიღლაძე, მუნიციპალიტეტის გამგებელთან, რობიზონ გვენეტაძესთან ერთად, გამგებლის მოადგილეებს, ადმინისტრაციულ ერთეულებში წარმომადგენლებსა და სოცსააგენტოს ტყიბულის განყოფილების თანამშრომლებს შეხვდა.    პრეზენტაციის მიზანი იყო, სამხარეო სააგენტოს წარმომადგენლებს მოესმინათ და შეესწავლათ ტყიბულის მუნიციპალიტეტში არსებული ვითარება. აღინიშნა რომ მსგავსი შეხვედრების გამართვა მნიშვნელოვანია, როგორც ინფორმაციის მიწოდების, ასევე, პრობლემების აღმოფხვრის კუთხით. მარი ბაბუხადოა

სრულად ნახვა

სანდროს შეწყვეტილი დრო...

  ტყიბული კვლავ მგლოვიარეა... მთელი ქალაქი ემშვიდობება ახალგაზრდა ნიჭიერ მსახიობს, სანდრო ბუცხრიკიძეს, რომელმაც თავისი ამქვეყნიური ყოფის, 27 წლის, მანძილზე უშურველად თესა სიკეთე და სიყვარული.   ტყიბულის წმ. გიორგის სახელობის ეკლესიაში ტაძრის წინამძღვარმა, დეკანოზმა, მამა იოანემ (კობახიძე), მას სულის მოსახსენიებელი პანაშვიდი გადაუხადა.   სამგლოვიარო პროცესიამ მუნიციპალიტეტის თეატრში გადაინაცვლა, სადაც ახალგაზრდა არტისტი ჩოხოსნებმა მის საყვარელ სცენაზე დაასვენეს. თეატრის დირექტორმა, რეჟისორმა, ლალი კუბლაშვილმა, საზოგადოებას სანდრო ბუცხრიკიძის, განვლილი გზა გაახსენა.   იმერეთის სამხარეო გუბერნიამ და თეატრალურმა საზოგადოებამ, უამრავ ადამიანთან ერთად, სამძიმარი გამოუცხადეს ოჯახს, ქალაქსა და ტყიბულის დასს. ნათია ნურუსიძე https://youtu.be/2jkb1ipW-Vo

სრულად ნახვა

ნამქერში მოყოლილი „E-100“ „საქნახშირის“ მექანიზმთან ერთად აგრძელებს გაწმენდით სამუშაოებს

  4 დღის განმავლობაში მიმდინარეობდა ტყიბული-მუხურის საავტომობილო გზაზე გაწმენდითი სამუშაოები. 8 კილომეტრიანი მონაკვეთის გასუფთავების შემდეგ შესაძლებელი გახდა თოვლის საფარის ქვეშ, რამდენიმე დღის მანძილზე, მოქცეული ტრაქტორის, ე.წ. „E-100-სა“ და ავტომანქანა „ZIL-131-ის“ გამოყვანა. ამ მომენტისათვის ორივე მექანიზმი გამართულ მდგომარეობაშია და განაგრძობს მუშაობას. 11 კმ-იანი გზის მონაკვეთზე ავტოტრანსპორტით სრული მიმოსვლა რამდენიმე დღეში იქნება აღდგენილი. ნათია მურუსიძე

სრულად ნახვა

გიწვევთ ინტელექტუალურ თამაშში, „რა? სად? როდის?“ მონაწილეობის მისაღებად

  ქალაქ ტყიბულში, 11 აგვისტოს, თეატრის ვერცხლის დარბაზში, 12:00 საათზე, (რეგისტრაცია 11სთ. 30წთ) გაიმართება ინტელექტუალური თამაში „რა? სად? როდის?“ “თითოეულ გუნდში მოაზროვნეთა მინიმალური რაოდენობაა - 3, ხოლო მაქსიმალური - 5).   მონაწილეობის მიღება ნებისმიერ მსურველს შეუძლია (მიუხედავად საცხოვრებელი ადგილისა). თამაშის მიმდინარეობისას დაისმება 36 კითხვა.   I ადგილზე გასული გუნდი დაჯილდოვდება სპეციალური თასითა და ფულადი პრიზით - 150 ლარით, II - ადგილის მფლობელი კი - 100 ლარით.   პროექტის მხარდამჭერი და დამფინანსებელია ტყიბულის მუნიციპალიტეტის გამგეობა.   მონაწილეობის მსურველთა რეგისტრაცია დაწყებულია და 10 აგვისტოს 18:00 საათამდე გაგრძელდება. დასწრება თავისუფალია. დამატებითი ინფორმაციისათვის დარეკეთ ნომერზე 595 95 85 ...

სრულად ნახვა

მონიტორინგი უმწეოთა სასადილოში

  ტყიბულში უმწეოთა სასადილოში არსებული პირობების გასაცნობად მუნიციპალიტეტის მერმა, თემურ ჩუბინიძემ და საკრებულოს თავმჯდომარემ, ნატალია კობახიძემ, მონიტორინგი განახორციელეს. ისინი ბენეფიციარებს გაესაუბრნენ, მათი პრობლემებით დაინტერესდნენ და სერვისის გასაუმჯობესებლად სამომავლო ღონისძიებები დასახეს. თვითმმართველობის ხელმძღვანელებმა კვების ბლოკიც დაათვალიერეს და სანიტარულ-ჰიგიენური პირობებიც შეამოწმეს. რაციონის შემადგენლობისა და მომსახურე პერსონალის მიმართ მადლიერება სტუმრებთან საუბრისას ბენეფიციარებმა პირადად გამოხატეს. ბოლო წელიწადნახევარია მათ სოციალური სამრეცხაოთი სარგებლობის შესაძლებლობაც მიეცათ.   აღსანიშნავია, რომ მუნიციპალიტეტში მოქმედი სოციალური პროგრამის უფასო სასადილოს ქვეპროგრამით დღეისათვის 100 ბენეფიციარი სარგებლობს, რომელთა კვებით უზრუნველყოფაც ყოველდღიურად ადგილზე ხდება, ხოლო გადაადგილების უუნარო პირები საკვებს ბინაზე იღებენ. მერია და მერიის ჯანმრთელობისა და ...

სრულად ნახვა

თემურ ჩუბინიძემ თანამდებობის პირებს მეტი აქტიურობისაკენ მოუწოდა

ტყიბულის მუნიციპალიტეტის მერმა, თემურ ჩუბინიძემ, სამსახურების უფროსებთან და ა.(ა).ი.პ.-ების დირექტორებთან გაფართოებული მუშა- თათბირი გამართა. 9 სამსახურის უფროსმა და 15  ა.(ა).ი.პ.-ის დირექტორმა სათითაოდ ისაუბრეს მათ უწყებაში არსებულ ვითარებაზე. მოსმენილი მოხსენებებიდან მერმა ყველა ხელმძღვანელ პირს მითითება მისცა და უფრო ნაყოფიერი და ეფექტური ქმედებებისაკენ მოუწოდა მათ. ,,- კომუნალურმა გაერთიანებამ ყველა ღონე იხმაროს, რათა ზამთარს მომზადებული შევხვედეთ. არამარტო ცენტრალური ქუჩები, არამედ გარეუბნებიც უნდა იყოს დასუფთავებული. მოსაწესრიგებელია  განათების სისტემაც. საფინანსო სამსახურმა კონტროლი გააძლიეროს ბიუჯეტის შემოსავლებზე. ხარჯი ბევრია და შემოსულობები ნაკლები. როგორ გამოვიდეთ ამ მდგომარეობიდან ამაზე უნდა ვიზრუნოთ"... - აღნიშნა თემურ ჩუბინიძემ. თათბირზე,  მუნიციპალიტეტის პირველმა პირმა, ყურადღება გაამახვილა 14 ...

სრულად ნახვა

დასუფთავების აქცია უმწეოთა სასადილოს ეზოში

ნატო-საქართველოსთან თამშრომლობის შესახებ, საზოგადოების ინფორმირებულობის მიზნით, ჩვენს ქვეყანაში ყოველწლიურად "ნატოს დღეები" იმართება. წელს უკვე მეთერთმეტედ, 16 აპრილიდან 1 მაისის ჩათვლით, ამ ფორმატში, დედაქალაქსა თუ რეგიონებში სხვადასხვა ღონისძიებები იგეგმება. ტყიბულის მუნიციპალიტეტიც ჩაერთო ამ საყოველთაო კამპანიაში. მერიის ჯანმრთელობისა და სოციალური დაცვის სამსახურის ინიციატივითა და ჩართულობით ქუთაისის ქუჩაზე მდებარე უმწეოთა სასადილოს შენობის ეზოში დასუფთავების აქცია მოეწყო. დაწესებულების მომსახურე პერსონალისა და თავად ბენეფიციართა მონაწილეობით მიმდებარე ტერიტორია სხვადასხვა საყოფახცოვრებო ნარჩენების, ხავსისა და ბალახისაგან გაიწმინდა. ეზოს გარშემო არსებული სანიაღვრე არხი ნალექი ქანებისაგან გასუფთავდა. ჩამოიკაფა და გადაიბელა ხეების გამხმარი ნაწილები და ტოტები. ამ აქტივობით, როგორც ჯანმრთელობის სამსახურის განყოფილების უფროსმა, ...

სრულად ნახვა

GIG-ი თბოსადგურის მშენებლობას ახალ ლოკაციაზე იწყებს

  „საქართველოს ინდუსტრიული ჯგუფი” (GIG) ქვანახშირზე მომუშავე თბოსადგურის მშენებლობას ახალ ლოკაციაზე დაიწყებს. როგორც საინფორმაციო სააგენტო წერს, ობიექტის დადგმული სიმძლავრე 150 – 300 მვტ იქნება. ახალი ენერგეტიკული ობიექტი ტყიბულში მოპოვებულ ქვანახშირზე იმუშავებს. სააგენტო წერს, რომ შეთანხმება მთავრობის დადგენილების საფუძველზე უკვე გაფორმდა. პროექტს ჯგუფის შვილობილი შპს „ტყიბული 150“ განახორციელებს. პროექტის განხორციელებისთვის უკვე მიმდინარეობს ეკონომიკის სამინისტროსთან შეთანხმებული მოსამზადებელი სამუშაოები. მშენებლობის დაწყება 30 სექტემბერს იგეგმება. ქვანახშირზე მომუშავე თბოსადგურის მშენებლობის ალტერნატიულ ლოკაციაზე დაწყება, მას შემდეგ გადაწყდა რაც კომპანიამ გაითვალისწინა ჩატარებული გეოლოგიური და ეკოლოგიური კვლევების შედეგები. მიღებული დასკვნის საფუძველზე მიზანშეწონილად ჩაითვალა თბოსადგურის, რომლის მშენებლობაც თავდაპირველად ტყიბულში იგეგმებოდა, გარდაბნის მუნიციპალიტეტში აშენება.

სრულად ნახვა

საკრებულოს სხდომაზე ექვსი პროექტი დამტკიცდა

  ტყიბულის მუნიციპალიტეტის საკრებულოში მორიგი, მეცხრე, სხდომა ჩატარდა, რომელსაც ამავე ორგანოს ხელმძღვანელი, თამაზ კუბლაშვილი, თავმჯდომარეობდა. შეხვედრას დეპუტატებთად ერთად გამგებელი, რობიზონ გვენეტაძე და პირველი მოადგილე, შალვა გაბრიაძე, ესწრებოდნენ. დღის წესრიგის მიხედვით ექვსი საკითხი იქნა წარმოდგენილი. პირველი, - „ტყიბულის მუნიციპალიტეტის 2017 წლის ბიუჯეტის სამი თვის შესრულების ანგარიშის დამტკიცების შესახებ,“ განკარგულების პროექტს შეეხებოდა, რომლის შესახებ საფინანსო-საბიუჯეტო სამსახურის უფროსმა, ვახტანგ გვენეტაძემ, ისაუბრა. ამ დროის განმავლობაში ბიუჯეტის შემოსავლის გეგმა 87,8 %-ითაა შესრულებული, რაც 1162,7 ათას ლარს შეადგენს. არაფინანსური აქტივების ზრდამ კი 112,5 ათასი ლარი შეადგინა.   სხდომას, მუნიციპალიტეტში საგაზაფხულო სამუშაოების ჩატარების შესახებ, ინფორმაცია ადმინისტრაციული სამსახურის წარმომადგენლების ...

სრულად ნახვა

გელა ჩივაძე : „მამული, ენა, სარწმუნოება, ღმერთი, ადამიანი, სამშობლო, პატიოსნება, სინდის-ნამუსი“

  თერჯოლა-ტყიბულის გაერთიანებულ N50-ე მაჟორიტარულ საარჩევნო ოლქში, 2016 წლის საპარლამენტო არჩევნებისათვის, 15 მაჟორიტარი დეპუტატობის კანდიდატია რეგისტრირებული. აქედან, 13 პოლიტიკური პარტიის მიერ, ხოლო 2 - საინიციატივო ჯგუფიდანაა წარმოდგენილი.   საზოგადოებაში დიდი ინტერესია, იცნობდნენ დეპუტატობის კანდიდატებს. შევეცადეთ, მოგვეპოვებინა მათ შესახებ ინფორმაციები, რომელსაც პოლიტიკური რეკლამის ფარგლებში ვთავაზობთ ჩვენს მკითხველს.  ფასიანი პოლიტიკური რეკლამა პარტიული ნომერი 7 „თამაზ მეჭიაური ერთიანი საქართველოსათვის!“   გელა ჩივაძე დაიბადა 1967 წლის 12 იანვარს ქ. ტყიბულში, მეშახტის ოჯახში. 1974 წელს შევიდა ქ. ტყიბულის N1 საშუალო სკოლაში, 1984 წელს დაამთავრა ქ. ტყიბულის N7 საშუალო სკოლა. იმავე წელს ჩააბარა ქ. ულიანოვსკის, ორჯონიკიძის სახელობის სამხედრო უმაღლეს სამეთაურო სასწავლებელში, 1988 ...

სრულად ნახვა

მე-5 მოწვევის საკრებულომ ბოლო, შემაჯამებელი, სხდომა გამართა

ტყიბულის მუნიციპალიტეტის საკრებულომ თავისი უფლებამოსილების ვადაში ბოლო სხდომა გამართა, რომელსაც ამ ორგანოს ხელმძღვანელი, თამაზ კუბლაშვილი, უძღვებოდა. შეხვედრას ახლადარჩეული მერი, თემურ ჩუბინიძე და დეპუტატები ესწრებოდნენ. დღის წესრიგით ოთხი საკითხი იქნა განხილული. მათ შორის, 2017 წლის პროგრამულ ბიუჯეტში ცვლილებები და მიმდინარე წლის ბიუჯეტის შესრულების ცხრა თვის ანგარიში. ასევე, სხდომაზე წარმოდგენილ იქნა ინფორმაცია მუნიციპალიტეტში საშემოდგომო სამუშაოების ჩატარების თაობაზე. სხდომის ბოლოს მე-5 მოწვევის საკრებულოს მუშაობა შეაჯამა თამაზ კუბლაშვილმა და მომავალ წარმომადგენლობით ორგანოს წარმატება უსურვა. ნათია მურუსიძე https://youtu.be/XEwD6lsYgf4

სრულად ნახვა

ირაკლი პეტრიაშვილი გაფიცულებთან სამოქმედო გეგმით მივიდა

 საქართველოს გაერთიანებული პროფკავშირების თავმჯდომარემ, ირაკლი პეტრიაშვილმა, გაფიცულ მეშახტეებს, 2011 წელს „საქნახშირი (ჯი-აი-ჯი) ჯგუფის“ მაშინდელი გენერალური დირექტორის, ზაზა სადუნიშვილის, მიერ ხელმოწერილი შეთანხმება ჩამოუტანა.    დოკუმენტის თანახმად, ქვეყანაში არსებული ინფლაციური პროცესების პარალელურად, უნდა მომხდარიყო დაქირავებულთა ხელფასების ინდექსაცია, რომელმაც ამ დროისათვის 14,7 პროცენტი შეადგინა. ნათია მურუსიძე  

სრულად ნახვა

ქართული ესტრადის ვარსკვლავები ორპირის დღესასწაულზე

  მუნიციპალიტეტის მერიის განათლების, კულტურის, სპორტის, ახალგაზრდობისა და ტურიზმის განვითარების სამსახურისა და ორპირის ადმინისტრაციულ ერთეულში მერის წარმომადგენლის, მელიტონ ზოსიაშვილის,  ორგანიზებითა და ინიციატივით, სოფელ ორპირში საქართველოს დამოუკიდებლობის 100 წლისთავისადმი მიძღვნილი კულტურული და სპორტული ღონისძიებები გაიმართა. ამ დღეს, ასევე, აღინიშნა სოფლისა და ტაძრის დღესასწაული.   ადგილობრივების აქტივობებით დატვირთული დღე ქართული ესტრადის ვარსკვლავების, დათო ხუჯაძის, სალომე ბაკურაძისა და დათო ფორჩხიძის საზეიმო კონცერტით დასრულდა. მარი ბაბუხადია https://youtu.be/u1zOnTSx0_I

სრულად ნახვა

საკრებულოში მორიგი სხდომა გაიმართა

  ტყიბულის მუნიციპალიტეტის საკრებულოში მორიგი გეგმიური სხდომა გაიმართა, რომელსაც ამავე უწყების თავმჯდომარე, თამაზ კუბლაშვილი, უძღვებოდა. შეკრებას ესწრებოდნენ გამგებელი, რობიზონ გვენეტაძე და ადგილობრივი თვითმმართველობის სხვადასხვა სამსახურების უფროსები.   სხდომაზე დღის წესრიგის მიხედვით გათვალისწინებული 6 საკითხი იქნა განხილული, რომელთაგანაც პირველი მუნიციპალიტეტის 2016 წლის პროგრამულ ბიუჯეტში 2015 წლის 22 დეკემბრის N44 დადგენილებაში ცვლილებების შეტანას შეეხებოდა.   დღის წესრიგის მიხედვით წარმოდგენილი საკითხები საკრებულომ კენჭისყრის შედეგად მიღებულად სცნო. მარი ბაბუხადია

სრულად ნახვა

თათბირი მერიაში

ყოველკვირეულ თათბირს მუნიციპალიტეტის მერი, თემურ ჩუბინიძე, უძღვებოდა, რომელსაც საკრებულოს თავმჯდომარე, ნატალია კობახიძე და ადგილობრივი თვითმმართველობის სხვა ხელმძღვანელი პირები ესწრებოდნენ. მერმა თათბირის დაწყებისას დამსწრე საზოგადოებას მერიის ზედამხედველობის სამსახურის ახლადდანიშნული უფროსი, თამაზ გეგეშიძე, წარუდგინა, დაკავებული თანამდებობა მიულოცა მას და წარმატებული საქმიანობა უსურვა. ბატონმა თემურმა ხელმძღვანელი პირებისაგან შესრულებული და ამ დროისათვის მიმდინარე სამუშაოების შესახებ ინფორმაციები მოისმინა. განხილულ იქნა პრიორიტეტული საკითხები დაგეგმილ ღონისძიებებთან და პროექტებთან დაკავშირებით. მარი ბაბუხადია https://youtu.be/ZPRuN_d47SE

სრულად ნახვა

ახალი სასწავლო წელი დაიწყო

  ჩვენს მუნიციპალიტეტში, ისე როგორც მთელი ქვეყნის მასშტაბით, 2019-20 სასწავლო წელი დაიწყო. ამ დროისათვის მუნიციპალიტეტში 2212 მოსწავლე ირიცხება, მათ შორის, 191 პირველკლასელია. N1 საჯარო სკოლაში რეგისტრაცია გაიარა - 38 - მა; N2 - ში - 1; N4 - ში - 8; N5 -ში - 15; N6 - ში - 46; N7 - ში 8 - პირველკლასელმა მოსწავლემ. გასული წლების მსგავსად, საქართველოს განათლების, მეცნიერების, კულტურისა და სპორტის სამინისტროსაგან ,,მოსწავლეებისა და მასწავლებლების სახელმძღვანელოებით უზრუნველყოფის“ პროგრამის ფარგლებში ყველა მოსწავლე ახალ სასწავლო სახელმძღვანელოებს მიიღებს. პირველკლასელებს კი, ასევე, გადაეცემათ  დედაენის ახალი გრიფირებული წიგნები, ხოლო მე-7 ...

სრულად ნახვა

დავით სერგეენკოს ვიზიტი ტყიბულში

  საქართველოს შრომის, ჯანმრთელობისა და სოციალური დაცვის მინისტრი, დავით სერგეენკო, „ქართული ოცნება - დემოკრატიული საქართველოს“ ტყიბულისა და თერჯოლის გაერთიანებული ოლქის მაჟორიტარ დეპუტატობის კანდიდატთან, ელგუჯა გოცირიძესთან, ერთად ჯერ თერჯოლაში, დავით კლდიაშვილის ძეგლთან შეკრებილ ადგილობრივებს, შემდეგ კი ამავე მუნიციპალიტეტის სხვადასხვა ორგანიზაციის წარმომადგენლებსა და მედპერსონალს შეხვდა.   მინისტრმა ვიზიტი ქალაქ ტყიბულში რაიონის სამედიცინო სფეროს მუშაკებთან და მოსახლეობასთან შეხვედრით დაასრულა.   დავით სერგეენკომ წინასაარჩევნოდ მხარდაჭერა ღიად გამოუცხადა პოლიტიკურ გუნდს, „ქართულ ოცნებას“ და მის მაჟორიტარობის კანდიდატს, ელგუჯა გოცირიძეს. მარი ბაბუხადია  

სრულად ნახვა

სტიქიამ მდინარე „ტყიბულას“ კალაპოტი ჩახერგა

  ტყიბულში მოსულმა უხვმა ნალექმა, 30 მაისს, გვიან ღამით, მდინარე „ტყიბულას“ ადიდება გამოიწვია. რასაც მოჰყვა ქალაქის ცენტრში, გამსახურდიას ქუჩაზე კალაპოტის საყრდენი ჯებირის დაზიანება და მრავალწლოვანი ალვის ხეების ნიადაგიდან მოთხრა. ადგილობრივი ხელმძღვანელობის მიერ დაუყოვნებლივ იქნა მობილიზებული შესაბამისი სამსახურები, სამაშველო ჯგუფები და სათანადო ტექნიკა. დილიდან ინტენსიურად მიმდინარეობს ჩახერგილი მდინარის ხეებისაგან გათავისუფლება, რათა ძლიერი წვიმის დროს არ მოხდეს მიმდებარე ტერიტორიის დატბორვა. ადგილზე იმყოფებიან: მუნიციპალიტეტის გამგებელი, რობიზონ გვენეტაძე, საკრებულოს თავმჯდომარე, თამაზ კუბლაშვილი, თვითმმართველობის შესაბამის ორგანოთა წარმომადგენლები და შ.ს.ს საგანგებო სიტუაციების მართვის სააგენტოს თანამშრომლები. გამგეობის სტიქიის შემსწავლელი კომისიის მიერ მიმდინარეობს აღნიშნული ზარალის დადგენა, რომელიც შემდგომი რეაგირებისათვის სახელმწიფო სტრუქტურებს ...

სრულად ნახვა

ტყიბულში წყლისა და კანალიზაციის გამწმენდი ახალი ნაგებობების მშენებლობა იგეგმება

  ტყიბულში მუნიციპალიტეტის მერის, თემურ ჩუბინიძის, აქტიური ჩართულობით, წყალმომარაგების სისტემაში შექმნილი პრობლემების გასაცნობად, საქართველოს გაერთიანებული წყალმომარაგების კომპანიის დირექტორი, ეკატერინე გალდავა, იმყოფებოდა. იგი, იმერეთის მხარისა და ადგილობრივი თვითმმართველობის ორგანოთა ხელმძღვანელ პირებთან ერთდ, წყლის გამწმენდ ნაგებობაზე არსებულ მდგომარეობას გაეცნო. უწყების პირველი პირის განმარტებით, საკითხის გადასაჭრელად, რეგიონული განვითარებისა და ინფრასტრუქტურის სამინისტრო, გაერთაიანებული წყალმომარაგების კომპანიასთან ერთად, საპროექტო სამუშაოების განხორციელებას მიმდინარე წლის ზაფხულიდან დაიწყებს. იგი ითვალისწინებს წყლისა და კანალიზაციის თანამედროვე ტიპის გამწმენდი ნაგებობებისა და კანალიზაციის ქსელის მშენებლობას. დაახლოებით 2020 წლის გაზაფხულიდან კი, ტენდერში გამოვლენილი კომპანია საკმაოდ ძვირადღირებულ და მასშტაბურ საქმიანობას შეუდგება, რომელიც ორი წლის ვადაში, 2022 ...

სრულად ნახვა

დედა-შვილის, ნანული და შოთიკო ბარაბაძეების მონატრება

  ძალიან ძნელია, ძვირფასო ადამიანებო, თქვენზე წარსულში საუბარი! აუტანელია უთქვენობა, ტკივილამდე მისული მონატრება! მოვიდა გაზაფხული თქვენს ეზოში... უთქვენოდ გვიწევს, შევეგებოთ ამ დღესაც - 8 მარტს, ერთ დროს დიდი სიხარულით რომ აღვნიშნავდით, რადგან ოჯახის ერთადერთი ვაჟკაცის დაბადების დღე იყო.   ნანული! ცრემლიანი თვალებით გეძებთ ყველგან, გიგონებთ და ქედს ვიხრით შენი ლამაზი სულის წინაშე! ზეციურ სასუფეველში გილოცავთ გაზაფხულის ლამაზ დღესასწაულს, პირველად საკუთარმა ვაჟკაცმა რომ გაგილამაზა ამქვეყნად თავისი მოვლენით! ალბათ, წინასწარ გრძნობდი შენი შვილის სასტიკ ბედისწერას და მანამდე გაეცალე ამ ცოდვილ ქვეყანას... ჩვენზე ბედნიერი აღმოჩნდი, რადგან ღმერთმა ეს უდიდესი ტკივილი აგარიდა. ალბათ, დაგიფასდა შენი ...

სრულად ნახვა

საინფორმაციო შეხვედრა ევროკავშირში უვიზო მიმოსვლის შესახებ

  უვიზო მიმოსვლის შესახებ საინფორმაციო კამპანიის ფარგლებში მოსახლეობასთან შეხვედრები გრძელდება. საქართველოს საგარეო საქმეთა სამინისტროსა და საექსპერტო წრეების წარმომადგენლები ადგილობრივ მოსახლეობას, თვითთმართველობებისა და სამოქალაქო სექტორის წარმომადგენლებს, სტუდენტებს, პროფესორ-მასწავლებლებსა და მედიას ქუთაისის აკ. წერეთლის სახელმწიფო უნივერსიტეტში შეხვდნენ.   მოწვეული სპიკერები იყვნენ: კონსტანტინე ჟღენტი - ელჩი (უზბეკეთში), დიპლომატიური ინსტიტუტის მკვლევარი; გიორგი ყარალაშვილი - ელჩი (თურქმენეთში), დიპლომატიური ინსტიტუტის მკვლევარი; გოგა ტაბატაძე - საგარეო საქმეთა სამინისტროს საკონსულო დეპარტამენტის დირექტორი;   აქტივობის დაგეგმვას საფუძვლად დაედო 2017  წლის 28 მარტიდან დღემდე ევროკავშირის /შენგენის წევრ სახელმწიფოებში საქართველოს მოქალაქეების მიერ უვიზო რეჟიმით არამართლზომიერად სარგებლობის სტატისტიკური მონაცემების ანალიზი;   მოკლევადიანი ვიზიტი შესაძლებელია ...

სრულად ნახვა

კურსებში, „დედაღვთისას მონასტრის“ მიმართულებით, გზის დაგება დაიწყო

  96 ათას 700 ლარის ღირებულების პროექტის ფარგლებში, კურსების ადმინისტრაციულ ერთეულში, „დედაღვთისას მონასტრის“ მიმართულებით, ნახევარკილომეტრამდე სიგრძის ბეტონისსაფარიანი გზა დაიგება.   სამუშაოს ტენდერში გამარჯვებული ფირმა „ტობე“ განახორციელებს. პრეზენტაციას ტყიბულის მუნიციპალიტეტის გამგებელი, რობიზონ გვენეტაძე, თვითმმართველობის წარმომადგენლებთან ერთად დაესწრო, ადგილობრივ მოსახლეობას შეხვდა და მათი პრობლემები მოისმინა. ნათია მურუსიძე

სრულად ნახვა

„არაჩვეულებრივი გამოფენა“ მოსწავლეთა სასახლეში

   შოთა რუსთაველის სახელობის მოსწავლე-ახალგაზრდობის სასახლეში ფოტო-კინო ხელოვნების წრის (ხელმძღვანელი - დიანა ტურძილაძე) ინიციატივით ფოტოების გამოფენა, სახელწოდებით „არაჩვეულებრივი გამოფენა“ მოეწყო. წლის შემაჯამებელი ღონისძიება მიზნად ისახავდა ავტორთა ხედვისა და წარმოსახვის წარმოჩინებასა და დამთვალიერებლისათვის გაცნობას. თავისუფალი თემით აქ 8 მონაწილის 20-მდე მრავალფეროვანი ნამუშევარი საინტერესოდ იქნა წარმოდგენილი. მათ შორის: პორტრეტები, ავტოპორტრეტები, ჩვენი ქალაქის ხედები, მომენტალურად დაჭერილი კადრები თუ სხვა.   გამოფენაში მონაწილეობდნენ მოსწავლეები: ანამარია ბოჭორიშვილი, ლიზი რობაქიძე, ნინი ბოჭორიშვილი, ნინი კობახიძე, ნინი მიქიაშვილი, ნინი კაკუშაძე, ნინი ხუხუნი, თეკლა გიორგაძე.   ფოტო-კინო ხელოვნების წრე სასახლეში უკვე 3 წელია, ფუნქციონირებს და მოსწავლეებს ვიზუალური ხელოვნების უკეთ გაცნობაში ...

სრულად ნახვა

გეგმიური სხდომა საკრებულოში

  ტყიბულის მუნიციპალიტეტის ადმინისტრაციული შენობის სხდომათა დარბაზში საკრებულოს გეგმიური სხდომა გაიმართა, რომელსაც წარმომადგენლობითი ორგანოს თავმჯდომარე, ნატალია კობახიძე, უძღვებოდა. შეკრებას მუნიციპალიტეტის მერი, თემურ ჩუბინიძე,  დეპუტატები, მომხსენებლები, სხვადასხვა სამსახურისა და ა.(ა).ი.პ.-ების წარმომადგენლები ესწრებოდნენ.   დღის წესრიგის მიხედვით ექვსი პროექტი იქნა წარმოდგენილი. პირველი საკითხი, 2019 წლის პროგრამული ბიუჯეტის დამტკიცების შესახებ, საკრებულოს 2018 წლის 25 დეკემბრის N73 დადგენილებაში ცვლილების შეტანას შეეხებოდა, რაც ნაწილობრივ განაპირობა შემოსავლების ნაწილში სხვადასხვა განკარგულებით გამოყოფილი 161,4 ათასი ლარის (სტიქიის პრევენციის სახელმწიფო პროგრამა), 13,5 ათასი ლარის (სტიქიის შედეგების სალიკვიდაციო ღონისძიებები), 90,7 ათასი ლარისა (რეგიონებში განსახორციელებელი პროექტების ფონდიდან „ჯანმრთელობისათვის უსაფრთხო გარემოს უზრუნველყოფის ხელშეწყობის ...

სრულად ნახვა

რევაზ ჯანელიძის გახსენება

კვალი ნათელი...     13 ოქტომბერს რევაზ ნიკოლოზის-ძე ჯანელიძეს 90 წელი შეუსრულდებოდა. საქართველოს დამსახურებული ეკონომისტი ოკრიბის საზოგადოებას, მის ინტელიგენციას, სამეგობრო წრეს 65 წლის ასაკში გამოაკლდა. იგი თავისი მოღვაწეობით, მთელი შეგნებული ცხოვრება საფინანსო დარგს და ამ სფეროში კადრების აღზრდის საქმეს ემსახურებოდა. ტყიბულის რაიონის ეკონომიკის აღმავლობის, ხალხთა ცხოვრების პირობების გაუმჯობესების, ქალაქის აღმშენებლობისა და მისი გალამაზებისათვის დიდი ღვაწლი აქვს გაწეული ამაგდარ პიროვნებას, რომელიც გამორჩეული იყო ზნეობით, ფიზიკური აღნაგობით, ადამიანური ღირებულებებითა და პროფესიონალიზმით.   35-წლიანი შრომითი ბიოგრაფიის მქონე მაღალკვალიფიციურ სპეციალისტს მრავალი დაბრკოლება, წინააღმდეგობა შეხვედრია ცხოვრების გზაზე, მაგრამ საყვარელი საქმისთვის სამეგობრო წრისათვის არასოდეს უღალატია და ყველა პრობლემის გადაჭრისათვის ...

სრულად ნახვა

საქართველოს დამოუკიდებლობის დღე ტყიბულში საზეიმო ღონისძიებებით აღინიშნა

  საქართველოს დამოუკიდებლობის დღის აღსანიშნავად ტყიბულში კულტურული და სპორტული ღონისძიებები გაიმართა. სპორტულმა ცენტრმა საჯარო სკოლების მოსწავლეთა შორის კროსში შეჯიბრება მოაწყო, რომელშიც გამოვლენილი გამარჯვებულები და საპრიზო ადგილების მფლობელები სიგელებითა და სამახსოვრო საჩუქრებით დაჯილდოვდნენ.   დამოუკიდებლობის დღეს მუნიციპალიტეტის თეატრმა კონცერტი, სათაურით, - „უკვდავი სული,“ მიუძღვნა. მასში მონაწილეობას იღებდნენ ქორეოგრაფიული ანსამბლები „ცხრაჯვარი“ და „ოკრიბა“ და დასის მსახიობები.   ზეიმზე ტყიბულელ წარმატებულ სპორტსმენს, საქართველოს ჩემპიონს ქართულ ჭიდაობაში და ნაკრების წევრს ძიუდოში, ილია სულამანიძესა და მის მწვრთნელს, გრიგოლ სოფრომაძეს, გამგეობისაგან გადაეცათ დიპლომები და ფულადი ჯილდოები, - 500 - 500 ლარის ოდენობით. ღონისძიებას ესწრებოდნენ გამგებლის მოადგილეები, თვითმმართველობის ორგანოთა ...

სრულად ნახვა

მოსწავლე-ახალგაზრდობის სასახლის სახურავის რეაბილიტაცია მიმდინარეობს

ტყიბულის მუნიციპალიტეტის გამგებელმა, რობიზონ გვენეტაძემ, ინსპექტირების ჯგუფის წევრებთან ერთად, მონიტორინგის ფარგლებში, მოსწავლე-ახალგაზრდობის სასახლეზე მიმდინარე სამუშაოები დაათვალიერა.     რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით 2100 კვ.მ ფართზე შენობის სრული გადახურვა ხორციელდება. ხელშეკრულების შესაბამისად 16 ოქტომბერს სახურავის რეაბილიტაციის პროცესი დასრულებული იქნება. ნათია მურუსიძე https://youtu.be/cIO_ZX6aIio

სრულად ნახვა

ზურაბ ობოლაძე კრივში საქართველოს ჩემპიონი გახდა

  ტყიბულის მუნიციპალიტეტის სპორტული ცენტრის აღსაზრდელებმა საქართველოს ჩემპიონატზე მოსწავლე-მოკრივეთა შორის წარმატებით იასპარეზეს და ოქროსა და ბრინჯაოს მედლები მოიპოვეს.  ტყიბულელმა მოკრივემ ზურაბ ობოლაძემ (მწვრთნელი - გია დვალი) პირველი ადგილი დაიკავა და საქართველოს ჩემპიონი გახდა (80 კგ. წონით კატეგორიაში), ხოლო ასევე ჩვენმა თანაქალაქელმა, ნიკა ბარბაქაძემ (მწვრთნელი - ვარლამ კობახიძე), საპრიზო ადგილი მოიპოვა 57 კგ. წონით კატეგორაში და შესაბამისად ბრინჯაოს მედლით დაჯილდოვდა.  ჩემპიონატი ქალაქ ფოთში 14-18 აპრილს მიმდინარეობდა, რომელშიც 150, 2007-08 წ.წ. დაბადებული, მოკრივე მონაწილეობდა.  აღსანიშნავია, რომ ზურაბ ობოლაძემ ნახევარფინალში ბაღდათის, ხოლო ფინალში კი მესტიის წარმომადგენელთან ორთაბრძოლა დროზე ადრე მოგებით დაასრულა.  საქართველოს ჩემპიონატი ...

სრულად ნახვა

ბუეთში მთავარანგელოზის სახელობის ტაძარი აღდგა

  თერჯოლისა და ტყიბულის მიტროპოლიტის, მეუფე გიორგი (შალამბერიძის), ლოცვა-კურთხევით, მამა ნიკოლოზის (ქათამაძე) ძალისხმევითა და სოფლის მორწმუნე მრევლის თანადგომით, 21 მაისს, ბუეთის მთავარანგელოზის სახელობის ეკლესია ეკურთხა. სამეუფეო წირვა მღვდელთმთავარმა გიორგიმ, მამა ნიკოლოზთან ერთად, აღავლინა. ეპარქიის წინამძღოლმა სოფლის მოსალეობას მიულოცა ეს მნიშვნელოვანი დღე, მადლიერებით მოიხსენია, დალოცა და აკურთხა ის ადამიანები, რომლებმაც წვლილი შეიტანეს ტაძრის აღდგენა-განახლებაში.   ოკრიბის სიწმიდეებიდან კიდევ ერთი მლოცველი ტაძარი შეემატა საქართველოს სამოციქულო ეკლესიას. ნანა რაზმაძე

სრულად ნახვა

„სპექტრის“ პროექტების განხილვა ტყიბულის მუნიციპალიტეტის გამგეობაში

  გამგეობის სააქტო დარბაზში შეხვედრა გაიმართა, რომელიც ნარჩენების დახარისხებული შეგროვებისა და მართვის პროექტის მიმდინარეობასა და შედეგების შეჯამებას, ასევე მოსახლეობის ამ კუთხით ინფორმირებულობას ეხებოდა. პროექტი არასამთავრობო ორგანიზაციების, იმერეთის მხარის მეცნიერთა კავშირის „სპექტრისა“ და „ტყიბულის რაიონის განვითარების ფონდის“ მიერ ადგილობრივი თვითმმართველობის მხარდაჭერითა და აქტიური თანამშრომლობით წარმატებით განხორციელდა. მის ფარგლებში ქალაქის ტერიტორიაზე და სხვადასხვა შენობებში განთავსდა პლასტმასის ნარჩენებისა და მაკულატურისათვის განკუთვნილი კონტეინერები.   ღონისძიებაზე „სპექტრის“ გამგეობის თავმჯდომარემ, ქეთევან ცხაკაიამ დააანონსა, რომ ტყიბულის მუნიციპალიტეტის რომელიმე საბავშვო ბაღში გაეროს განვითარების პროგრამის ფინანსური მხარდაჭერით ცხელი წყალმომარაგებისათვის ჰელიოსისტემა მოეწყობა. მარი ბაბუხადია

სრულად ნახვა

ელისო ჩაფიძე მაღალმთიანობის სტატუსის მინიჭებას ითხოვს

  მაღალმთიანი რეგიონების განვითარების შესახებ კანონი 2016 წლის 1 იანვრიდან ძალაში შედის. საქართველოს პრემიერ - მინისტრის ირაკლი ღარიბაშვილის ხელმძღვანელობით შეიქმნა მთის ეროვნული საბჭო, რომელიც მაღალმთიანი დასახლებების ნუსხას შეიმუშავებს. ამ კოლეგიური ორგანოს შემადგენლობაში ჩვენი მაჟორიტარი დეპუტატი ელისო ჩაფიძეცაა, რომლის აქტიური ლობირების შედეგად ტყიბულისათვის მაღალმთიანი რეგიონის სტატუსის მინიჭება რეალური ხდება. ნათია მურუსიძე

სრულად ნახვა

ჰეპატიტის კვირეული

  ყოველი წლის 28 ივლისს ჯანმრთელობის მსოფლიო ორგანიზაცია ჰეპატიტის მსოფლიო დღეს აღნიშნავს. 2015 წლის მისი, მსოფლიო დღის, სლოგანია: „იმოქმედე ახლავე, აიცილე ჰეპატიტი!“.  მილიონობით ადამიანი ცხოვრობს ჰეპატიტის ვირუსით, მილიონობით ადამიანი კი დაინფიცირების რისკის ქვეშაა. უმრავლესობამ არ იცის, რომ ისინი B და C ქრონიკული დაავადების მატარებლები არიან.  დაავადებათა კონტროლისა და საზოგადოებრივი ჯანმრთელობის ეროვნული ცენტრი ახორციელებს პოპულაციურ კვლევას სტატისტიკური მონაცემებისა და მათი რისკფაქტორების შესასწავლად.   ამასთან დაკავშირებით 27 ივლისიდან 7 აგვისტოს ჩათვლით დაგეგმილია C ჰეპატიტის საყოველთაო ნებაყოფლობითი სკრინინგის ჩატარება. საქართველოს ნებისმიერ მოქალაქეს შესაძლებლობა აქვს, ჩაიტაროს უფასო კვლევა დაავადებათა კონტროლისა და საზოგადოებრივი ჯანმრთელობის ეროვნული ცენტრის ლაბორატორიებში.   ტყიბულის ...

სრულად ნახვა

ტყიბულის „მეშახტე“ თბილისის „გაგრას“ შეხვდა

  პირველი ლიგის სეზონის, კალენდარული გრაფიკით გათვალისწინებულ, მეხუთე შეხვედრაზე, ტყიბულის „მეშახტემ“ თბილისის „გაგრას“ უმასპინძლა. მატჩი სტუმართა უპირატესობით, ანგარიშით - 1 : 0 დასრულდა. შემდეგი შეხვედრა 5 ოქტომბერს ხარაგაულში „ჩხერიმელასთან“ გაიმართება. მარი ბაბუხადია 

სრულად ნახვა

კურსდამთავრებულთა ნამუშევრების გამოფენა სამხატვრო სკოლაში

        კულტურის ობიექტების გაერთიანების სამხატვრო სკოლამ კურსდამთავრებულთა  ნამუშევრების გამოფენა მოაწყო.

ბავშვთა დაცვის დღისადმი მიძღვნილი კონცერტი

     ბავშვთა დაცვის საერთაშორისო დღე 1 ივნისს საქართველოში, ისე როგორც მსოფლიოს მრავალ ქვეყანაში, ყოველწლიურად აღინიშნება.

ტყიბულელთა ტრიუმფი!

  ,,დასრულდა 15 წლამდელთა წლევანდელი ჩემპიონატი და დასრულდა ისე, როგორადაც ვერავინ იფიქრებდა — აქამდე ჩრდილში მდგომი ტყიბულური ხელბურთი ავანსცენაზე გამოჩნდა და პირველი ნაბიჯები ძალიან მძლავრი გამოუვიდა — 2006-07 წლებში დაბადებულ გოგონათა შორის საქართველოს ჩემპიონის ტიტულს დაეუფლნენ.»

აპრილში კოვიდდადებითობამ ტყიბულში მოიმატა

  ეპიდვითარების მაჩვენებელი ტყიბულის მუნიციპალიტეტში აპრილის თვეში, გასულ თვესთან შედარებით, გაორმაგებულია და დღეისათვის 54 კოვიდდადებით ფაქტს შეადგენს

ზურაბ ობოლაძე კრივში საქართველოს ჩემპიონი გახდა

  ტყიბულის მუნიციპალიტეტის სპორტული ცენტრის აღსაზრდელებმა საქართველოს ჩემპიონატზე მოსწავლე-მოკრივეთა შორის წარმატებით იასპარეზეს და ოქროსა და ბრინჯაოს მედლები მოიპოვეს.